Предыдущая публикация
Нуянь Видяз
ИНЯЗОРОНТЕНЬ КАЛМОЛАНГОНЬ КУДО. АНСЯК ИСТЯ.
Эрзятне церьковантень локшосо-валсо панемадо икеле крёст валонть эзизь марсея, а содылизь. Зяро сельведть валозельть човор верь марто кияк а соды , зяро пиштямот пиштясть - тедеяк а куш а каш. Кодаткак крёст эзть стявтне, Сон кодаяк а аравтови, кодаяк а сюлмави эрзянь калмамонь, Тоначисэ эрямонь койтнень.Христианствасо Тоначинь таркас Рай ды тандавтниця Ад, конась мик 16 тюсонь. Крёстонь таркас путневсь чувтонь эли кирьпецень-мезень кудыне. Эйсэнзэ кулыцясь поладыль Тоначисэ эрямонзо . А стяко, кандылазтнес калмамсто, путовильть эрявикс кедьёнкст (цёканьсюро, уро, кодамо салмукст) ды кой-кодат ярсамопельть (каша чакшке).
Те коесь-кирдась ванстовсь карелтнэнь ды финэнь- угрань лия раськетнень озномань лувсост. Истямо кудыне-чапине 1998 иестэ монень савкшнось неемс Сарлеень вирьсэ (Од ош. ёнкс). Инязоронок ютавтозо певтеме эрямонзо Эрзянь келей-ён ды лембе кудосо. Улезэ козонь совамс томбальдень кучовикстнэнень,, лиятненень. Улезэ косо топавтомс масторлангонь ды кудоютконь тевтнень,Улезэ сон, те кудось, мазый ды нардев.
Зярдо прядовсь эрямозо Густав Маннергеймень,Карл Густав,Эмиль,
маршалонть, сууминь (финнэнь) ломантне пшкадсть масторонь эрицяненень - путомс тензэ кеврунго. Кармасить ярмаконкь пурнамо. Ды пурнасть. Хельсинкнь куншкасо, прянь кепедезь, ашти ласте ды ванны перьканзо икелень рузонь генералось Маннергейм. Мусть ярмакт, теде верьга, панжомс музей.
Чарькодеви эрьванень: пижень истямо ласте кеврунгодо ледстнемскак а эрявол. Суомитне суомить, эрзятне - эрзят. Истямодо а арсетянокак. Миненек эряви путомс КАЛМОЛАНГОНЬ КУДО. Сонзэ питнечизэ карми ламоксть покш
Следующая публикация
Нет комментариев