Предыдущая публикация
Dınyo
İminə zındəniş çəy şedbozəti,
Bətı şinə və'də, ha doydə dınyo.
Cohilij çaştedəş dodi-ləzzəti,
Botı bənə muzi za doydə dınyo.
Dəçəy eşği hətto bedəş vobəsə,
Dı vanqo dəçıkdəş çəy i nəfəsə.
Dərəsedəş bətı əv nibərəsə,
Tıni qordıneydə, çadoydə dınyo.
Hiç dılış sutdəni bə çaşə arson,
Dəçıpındə piyo bə sə tağarson.
Ga cəvob doydəni bəy doə parson,
Sakardə cəvobi ga doydə dınyo.
Komi vıjındə çəy kumə rıjındə,
Tovındə, bovındə, dıli dojındə,
Çı umri kərvono əvi tojındə,
Həmro niməroysə vadoydə dınyo.
Vindəş aspo əv bə, mandəş piyodə,
Hiç bo i qəm pıye zu ni ziyodə...
Çanə sınov bıjən əçəy dıyodə,
Bətı oxeyədə ka doydə dınyo.
Mirfayaz Likməkani
03.02.2025
Следующая публикация
Комментарии 5