Предыдущая публикация
Вместе с МИКАИЛОМ ГАДЖИЕВЫМ
Təvəllüdün mübarək, general “ŞİMON”!
Bu gün cəngavər hərbiçi və patriot Mikayıl Hacıyev - General “ŞİMON!”un doğum günüdür…
Kimdir bu cəngavər?
4 mart 1960-cı ildə Lənkəranın Xolmili kəndində doğulmuş Mikayıl Hacıyev gənclik illərindən Rusiya hərbi məktəblərində təhsil almış və orada hərbi xidmətlərdə olmuşdur…
Rusiya vətəndaşı olsa da, 1-ci Qarabağ savaşında könüllü olaraq iştirak etmək üçün vətəni Azərbaycana qayıdır və əfsanəvi “Lənkəran batalyonu”nun komandirlərindən biri kimi bölgənin böyük bir hissəsinin erməni işğalçılarından azad olunması uğrunda döyüşlərdə səlnamələr yazır…
1993-ci ilin iyun-avgust aylarında Talışda baş verən məlum olaylar zamanı da komandiri olduğu hərbi hissənin döyüşçüləri bircə gün də olsa Qarabağda döyüş zonasını tərk etmirlər. Lakin təəssüflər olsun ki, o vaxtlar həm Talışda baş verən hadisələr, həm də ki fədakar Lənkəran batalyonu barədə məqsədli şəkildə bu günəcən paylaşılan bəzi yanlış fikirlərlər ictimaiyyəti çaşdırmışdı…
Müdhiş 1936-38-ci Sovet repressiya illərində də eyni situasiya (yaxın qohumu Böyükağa Mirsalayevlə bağlı) Həzi Aslanovla da başlanmışdı, lakin onun vətəndən kənardakı hərbi xidməti və alman faşistlərilə döyüşlərdə iştirakı sayəsində, o, labüd həbsindən qurtula bilmişdi…
Polkovnik Mikayıl Hacıyev isə qurtula bilmədi, o, yüzlərlə digər fədakar hərbi silahdaşları ilə birgə 1993-ci ilin son avqust günlərində həbs edilərək 12-15 il azadlıqdan məhrum edildilər… Nə qədər haqsızlıqlarla üzləşsələr də onlar sınmadılar… Polkovnik Mikayıl Hacıyev həbsdən azad edildikdən sonra, bu günəcən, ölkəsi və xalqının xoş gələcəyi naminə mübarizə yolundan geri çəkilməmişdir…
O, hal-hazırda bir neçə ağır cərrahiyə əməliyyatını keçidib xəstəxanada müalicə alsa da, yenə də nikbindir, xoş amalı naminə mübarizə ruhunu zərrəcə itirməmişdir…
General Həzi Aslanovun ən çətin anlarda da Ana dilindən düşməyən “ŞİMON!” (Getdik e…) kəlməsi bu gün Mikayıl bolinin də dilindən düşmür… Elə bizim də…
Şimon, əziz Mikayıl boli, şimon! Təbriklər!
Təbrikon!!! Bıjioş, çəmə xəlği yolə-əzizə zoə, çəmə general “ŞİMON!”!
Azərbaycan Talışların İctimai Şurası - Azərboyconi Tolışon İctimoi Şura
Следующая публикация
Комментарии 1