Предыдущая публикация
Һирәгәйә бара йылдар һайын
Ғәфү итеү тигән уй -теләк.
Хушлашаһы килә уйлап тормай
Көнсөл, үслеләрҙән тиҙерәк.
Вәғәҙә итке килмәй бер ниҙе лә,
Өмөтләнге килмәй булмаҫҡа.
Кире ҡайтҡы килмәй ҡабат-ҡабат
Ҡапҡа асып ҡаршы алмаҫҡа.
Бик кенә йыш килә күҙҙе йомғо,
Япҡы килә хатта йөрәкте.
Биккә ябып барлыҡ хис -тойғомдо,
Тик тыңлағым килә йөрәкте.
Шул тиклем ныҡ килә тынып ҡалғы!
Тамашасы кеүек бик күпкә.
Бер ҡасан да шаҡығылар килмәй
Шатырлатып япҡан ишеккә...
Нутфуллина Рәйлә
Следующая публикация
Комментарии 6