Предыдущая публикация
ҮТКӘН ҮТЕП БАРА
Үткән үтеп бара, булмай тотоп.
Алыҫая бара көндән -көн.
Янда булмағанды ҡайтарырға,
Ҡысҡыраһы килә әрнеп йән.
Һин яратҡан донъя үтеп бара,
Һис танырлыҡ түгел өй, көйҙәр.
Яҡын ине һиңә һәр бер ташы,
Һәр бер һуҡмаҡ изге һәм таныш.
Үҙгәрҙем шул инде мин үҙем дә
Һәм булмамын инде элекке.
Үткәндәргә йүгереп ҡайтыр өсөн
Бер ниндәй юҡ билет, ишек тә.
Үткән үтеп бара, ул шундай йәл,
Һин булғанға ҡәҙерле бигерәк.
Яңынан ҡайтып, эх, йәшәһәң ине
Шул үткәндә булһа ла әҙерәк.
Рәйлә Нутфуллина
Следующая публикация
Комментарии 3