Салам достор. Бул айыл боюнча сиздерге учурдагы жакшы жөрөлгөлөрүн айткым келди. Мактанып да коюшум мүмкүн))
Терек айылы. Ош облусуна караштуу Кара-Кулжа районунун айтылуу Алайкуу өрөөнүндөгү Кызыл-Жар айыл өкмөтүндө жайгашкан тоолуу шарттагы чакан айыл.
Былтыркы жылы (2017) 20 жыл мурун мектепти аяктаган классташтар биригип негизги трассадан айылга бурулуп кетчү жерге Терек айылынын "дарбазасын (арка)" курушуп, ошол эле жылы 10 жылдык бүтүрүүчүлөр Терек айылынын чатындагы суу жеп кеткен жерге турбаны коюп, жар болуп өтүүгө ыңгайсыз абалдагы жолду оңдоп беришкен. Ага чейинки жылдары Терек айылынан чыккан жигиттерден спонсорлор чыгып: бири - айылдын эски ашар жолу менен курулган мечитин бузуп, кайра жаңыдан фундаментинен баштап мечитти заманбап талаптардагыдай кылып куруп берсе. Бири болсо - анын заборлорун тосуп, бири - ошол мечиттин алдындагы навесин шыйпырлап, даваат кылып келген мекендештер үчүн кире турган чакан жайды дааратканасы менен куруп беришти. Бирлери айылдагы бейиттин (күмбөз) заборлорун тоскон эле.
Ал эми быйылкы жылы айылдын патриот жигиттеринин демилгеси менен марафон уюштурулуп, учурда бир нече соонун иштер бүтүп жатат. Быйылкы жылдын (2018) 20 жылдык бүтүрүүчүлөрү айылдын негизги көчөсүнө электр шам чырактарын коюшту. Марафондун демилгечилери тарабынан Терек айылына чыкчу суунун арыктары оңдолуп, арыктын башындагы суу турбаларын бекемдеп оңдоштуруп, учурда айылга арык толо суу ашып турган чагы. Мечитке болсо суу насос менен сайдагы булактан суу чыгарылып таза суу колдонууга шарттар түзүлдү. Буга чейин бир да көңүл бурулбаган айылдын жолдоруна шагыл төгүлдү. Мына ушундай айыл тургундарынын кубанычын улай буюрса айттын эртеси күнү айылда чоң той болгону турат. Тойго кеминде 14 - 15 боз үй тигилет. Тойго бир нече айыл өкмөтүнүн тургундарын күтүшүүдө. Ошондой эле тойдо кыргыздын улуттук оюндары : күрөш, эңиш, кыз куумай аркан-тартыш ж.б.у.с оюндар уюштурулуп, волейбол оюну боюнча мелдеш жүрөт жана чоң бейгелүү эки конкурс өтмөкчү. Бири Кадыров Шайырбек. экинчиси, Жеңишбек Шамшиев агаларыбыздын ырларына. Жогорудагы аталган оюндардын баарында чоң байгелер каралган.
Тойду куттуктап Турганбү Эркинбаева, Акбарали Тасмаев, Сайкал Садыбакасова, Жумагүл Раимжан кызы, Элбарчын Калилова, Дима Пазылов ж.б. белгилүү ырчы чоорчулар келишсе, тойду Кара-Кулжа райондук маданият башкармалыгынын өнөрпоздору тейлейт. Бишкектен Виктория бийчилер тобу келип бий өнөрүнүн керемет учурларын тартууламакчы. Кадырлуу коноктордун сап башында ЖК депутаттары Асилбек Жээнбеков, Эмил Токтошев жана район акими, он эки айыл өкмөт башчылары менен келиши күтүлүүдө. Тойго келип көңүл ачып, чер жазып кетиңиздер...
Присоединяйтесь к ОК, чтобы посмотреть больше фото, видео и найти новых друзей.
Комментарии 3