Әллә дөнья дөрес төзелмәгән,
Узып булмый нигә язмышны?
Каян табырга соң узар көчне,
Төзәтергә кайбер ялгышны.
Дөньядагы тормыш ялгышларын
Язар идем башлап яңадан.
Үзем аңлаганча дөреслекне,
Ә дөреслек килә кайлардан?
Бирер идем кешеләргә гомер,
Күпме күтәрәлә,сөйләшеп.
Бирер идем өстәп сәламәтлек,
Бәхет бирер идем өләшеп.
Ялгызларны парлы итәр идем,
Бәхет кошын өзелеп көткәндә.
Тигез гомер биреп парлыларга,
Тормыш сукмагыннан үткәндә.
Кадерен белә алып гомерләрнең,
Яшәр иде кеше туйганчы.
Шатлыкларга күмеп якыннарны,
Яшәр иде күңеле булганчы.
Тик язмыштан узып булмый икән,
Бары да бит Ходай кулында.
Гомерне дә санап кына бирә,
Һәр кешенең тормыш юлында.
Көчлемен дип кеше мактанса да,
Узып булмый Ходай биргәннән.
Ямен табып яшик,шөкер әйтеп,
Якты дөньларны күргәннән.
Эй Ходаем, синнән сорыйм АллаҺ,
Тынычлык бир җанга ,күңелгә!
Җиңеллек бир сабырлыкка өстәп,
Җитәрлек бир калган гомергә!
Сынаулар да бирдең түзсен диеп,
Кайгы –хәсрәт, бәхет көлтәсе.
Инде хәзер тынычлыкта яшәп,
Матур гына килә китәсе.
Биргәнеңә шөкер, ала белдем,
Бирә белдем алган бурычны.
Соңгысын бир,тынычлык җаныма,
Күккә сузып сорыйм кушучны.
Фирдәт Вәлиев. Иске Теләүле.
14.07.2024.
Присоединяйтесь к ОК, чтобы посмотреть больше фото, видео и найти новых друзей.
Комментарии 8