Ужо трэці дзень каляндарнага бабінага лета. Не ведаю дзе як, а ў нас, на вілейшчыне, людзі называлі ўсе сонечные цёплые дні верасня, і нават кастрычніка, бабіным летам. Прырода дае магчымасць сялянам завяршыць усе восеньскіе работы і добра падрыхтавацца да зімы.
Самая важная, самая цяжкая восеньская работа для мужыка, свайго роду акорд усёй яго працы ў гэтым годзе, -- гэта пераворванне зямлі. Гэтай сялянскай працай я стаў займацца ўжо ў сталым узросце. Нягледзячы на тое, што трохі цяжкавата на восьмым дзясятку хадзіць за плугам, але я атрымліваю ад гэтай працы задавальненне. Назіраць, як плуг пласт за пластам пераварочвае зямлю і ўяўляць, што вось так быццам бы перагортваецца твая старонка пражытага года. Думаць аб тым, ці была яна плённай? Ці збыліся спадзяванні? А што будзе на тваёй жыццёвай старонцы ў наступным годзе? Ці адбудуцца якія-небудзь змены, як яны адбываюцца на зямлі, якую ты арэш? На ёй з новага насення прарастуць новые парасткі, а што адбудзецца новага ў тваім жыцці?
Сёння жыццё чалавека сутыкнулася з такой рэальнасьцю, якую вельмі балюча ўспрымаць. Многае ў жыцці стала супярэчлівым. Яшчэ не так даўно агрэсарам лічылася краіна, якая нападае, а сёння гавораць, што гэта не так. Сёння, калі школьнік будзе прапагандаваць думкі, якія апісаў у "Буравесніку" пралетарскі пісьменнік Максім Горкі, могуць прызнаць яго дзеянні экстрэмісцкімі. Амаль кожны правіцель перапісвае гісторыю сваёй краіны зыходзячы з сваіх меркаванняў. І самае жахлівае, што многіе правіцелі сталі актыўна рыхтаваць свае краіны да вайны, насуперак жаданням людзей. Што здарылася на нашай зямлі? Чаму звар'яцелі некаторые людзі? Адкуль на нашай зямлі з'явіліся вар'яты?
Присоединяйтесь к ОК, чтобы посмотреть больше фото, видео и найти новых друзей.
Нет комментариев