Әле һаман өҙөлөп һағынам
Ә ул саҡта ҡулға салғы биргәс
Гүйә ер убылды янымдан.
Илай -илай йөрәгемдән ярһып
Атай,тинем мин бит ҡыҙ кеше?!
Ә атайым йомшаҡ итеп әйтте
Өйрән балам, ул бит ҡул эше,
Эшләгәнең минең өсөн булһа,
Өйрәнеүең була үҙеңә,
Төрлө хәлдәр була, ғөмер оҙон,
Хәҙерҙән үк өйрән түҙергә.
Ҙур болонда икәү атай менән
Бер-бер артлы төштөк сабырға.
Йәшел үлән еҫе һеңеп ҡалған,
Мәңгелеккә минең хәтергә.
Атайымдан ҡалмай бесән саптым.
Йырлай-йырлай сәйен ҡайнаттым,
Еләктәрен йыйып бесәнлектән,
Ҡатыҡтарға һалып ашаттым.
Тик бер миҙгел булған икән ул саҡ
Хәтеремдән берҙә юйылмай.
Ауырлыҡтар килһә тешем ҡыҫам,
Түҙемлегем һистә юғалмай.
Тырышҡан ташҡа ҡаҙаҡ ҡағыр,- тигән
Атай, һүҙең һистә онотмам.
Бер эштелә белмәйем тип тормам,
Бөтәһелә килә ҡулымдан.
Р. Юсупова. 25.03.2018.
Присоединяйтесь к ОК, чтобы посмотреть больше фото, видео и найти новых друзей.
Нет комментариев