Предыдущая публикация
Намегӯям, ки сархам шав,
Вафо бахшову ҳамдам шав,
Маризонро ту марҳам шав,
Ба илму дониш одам шав.
Падар бошад, ту беғам бош,
Ба наздаш бо сари хам бош,
Ҳамеша созу бардам бош,
Куҷо бошӣ, ту одам бош.
Чаро ин ризқи мо кам шуд,
Чу дарди бедаво зам шуд,
Ду чашми чори мо нам шуд,
Гуноҳи сахти одам шуд.
Сухан гӯям, садоям нест,
Нависам гар, баҳоям нест,
Ҷаҳоне аз бароям нест,
Вафою меҳри одам нест.
Саҳар хуфтам, навоям рафт,
Ҳама рӯзи сафоям рафт,
Табассум аз ҳавоям рафт,
Чу зоти поки одам рафт.
Бигӯ, ки Мустақиме буд,
Раҳи бисёр тай бинмуд,
Зи Зеробод баҳри суд,
Ба роҳи рост одам буд.
10-08-2024
Мустақим.
Следующая публикация
Комментарии 7
Худо нигахбонатон бошад