Предыдущая публикация
Пӗр ҫыннӑн икӗ, виҫӗ тата ытла "савни" пулсан ҫав ҫын телейсӗр теҫҫӗ, мӗншӗн тесен ун никам та ҫук.
Вӑл - шалтан пушӑ. Чунри пӗрре ҫеҫ пулаять. Паянхи сӑввӑм ҫакӑн ҫинчен.
Юратсан урӑххи шырамаҫҫӗ
Юратсан урӑххи шырамаҫҫӗ,
Юратсан вырӑн ҫук теприне.
Юрату вӑл черчен - амантмаҫҫӗ
Чӑннипех юратсан пӗр-пӗрне.
Юратсассӑн этем куҫӗ суккӑр,
Айккинче никама та курмасть.
Юнашар пӗр савни кӑна пултӑр,
Теприне чун пӗрех йышӑнмасть.
Юрату - ик чӗрен пӗр кӗввийӗ,
Иккӗне ҫеҫ ҫунать пӗр кӑвар.
Юратсан ыттисем ытлашшийӗ,
Юттине шырасан - эп сан мар.
27. 10. 2024. Мая Салампи
Следующая публикация
Комментарии 53