(«Малика Зубайданинг эртаклари» - А.Б.Исаков қаламидан)
Қадим замонлардан бир куни малика Зубайда бозорга борибди.
Бозорда узук ясаб сотадиган бир заргарлик дўконига кирибди.
Узуклар бир биридан чиройли экан.
Аммо энг чиройли безатилгани, энг қимматбахо тошлар жиловланиб турган узук аксига олиб болаларники экан.
Малика узук болаларникилигини ким билиб ўтирибди деб узукни тақиб кўрмоқчи бўпти.
Узукни тақиб кўрса узук кичикроқ экан, биронтаям бармоғига тушмабди.
Малика бармоқларига узук тушмаганидан хафа бўлибди.
Заргарга шу узукни аёлларга мослаб ва каттароқ ясаб беришини буюрибди.
Заргар эса бу узук ўзга юртда тайёрланиб, заргар дўконига узукнинг бир нечта нусхасини ясаттириш учун хорижий савдогар томонидан олиб келинганини, савдогар халок бўлиб қайтиб келмаганлигини, узукдаги қимматбаҳо тошлар бошқа йуқлигини, узукнинг нусҳасини ясай олмаганлигини ва айнан шу узукни катталаштирса узукнинг чиройи ва ҳислати йўқолишини малика Зубайдага тушунтирибди.
Малика буларни эшитиб ғамгин бўпти.
Чуқур қайғуга ботибди.
Ва шундай танлов элон қибди:
«Мен ёқтирган узук нихоятда бежирим ва менга жудаям ёқади, аммо уни на аёллар тақади ва на менга мос! Кимдаким шу узук бир умрга меники бўлиб мени доим қувонтиришини ўргатса унга ота-онамдан мерос давлатимнинг ярмини бераман, агар ўргатган инсон эркак киши бўлса ўзим хам унга тегаман» дебди. Маликанинг эьлони ўзга юртларга, узоқ ўлкаларгача тарқалибди.
Ўзга юртлик бир йигит маликанинг эьлонини эшитиб малика Зубайда томонга йўл олибди.
Йўлда кетаётиб бир одамга дуч кебди.
У одам жиннироқ экан. У одамнинг касби бетайин, ўзи аштдан-даштдан гапиравераркан.
Али десангиз Вали деркан. Йигит у одамдан фойдали бир гап билайчи деб унга савол берибди.
Йигит ўша одамга малика Зубайдани қандай топаман деб сўрабди.
Ўша одам «Маликани олма дарахтидан топасан!» дебди.
Йигит хайрон бўлиб, «Олма дарахтини қаердан топаман?» дебди.
«Маликанинг боғидан!» жавоб берибди бояги одам.
«Маликани боғи қаерда?» деб сўрабди йигит.
«Помир тоғининг чўққисида!» дебди анови одам.
Йигит «Помир тоги қаерда?» деб сўрабди.
«Помир тоғи хитой чегарасида!» дебди у одам.
Йигит жиннироқ одамни гапларига ишониб ишонмай «гапирди қўйди-да» деб яна йўлда давом этибди.
Йўлда вайсақи кампир чиқиб қопти.
Йигит у кампирдан хам бирон фойдали гап билайин деб гап сўрабди.
«Холажон ман Хитой давлатига қандай бораман?» сўрабди йигит.
Кампир «Хитойга Бухоро карвонида борасан!» дебди.
«Бухоро карвони қаердан ўтади?» сўрабди йигит яна. «Фаргона водийсидан болам!» жавоб берибди кампир.
Йигит кампирга раҳмат айтиб йўлида давом этибди.
Йигит узоқдан лой ўйнашиб ўтирган бир тўп болакайларни кўриб қопти.
Болажонлар лой ўйнармишу юзларида на табассум на хуррамлик боримиш.
«Болажонлар нега бунча хафасизлар?» сўрабди йигит.
Болажонлар «Ота-онамиз йўқ, сафарда ўлиб кетишган» дейишибди.
«Ота онангиз ўрнини босадиган амаки тоғаларингизчи? Бобо-бувижонларингизчи?!» сўрабди йигит.
Болалар йиғлаб юборишибди.
Йигит етим болачаларга раҳми келиб «Сизларга хитойдан нима олиб келай?» дебди.
Болажонлар «Қўғирчок она олиб келииинг!!» дейишибди.
«Кўғирчоқ онани нима қиласизлар??» сўрабди йигит хафа бўлиб.
«Кўғирчоқ она билан ўйнемиз, бирга ухлемиз» дейишибди болажонлар.
Йигит уларга Меҳрибон онани ваьда қилиб йўлида давом этибди.
Йўлда Сардоба бўйида дам олиб ўтирган карвон ахлига йўлиқибди.
Йигит карвон ахлидан «Қаерга кетяпсизлар?» деб сўрабди.
Карвон ахли «Хитой давлатига тижоратга кетяпмиз!» дейишибди.
«Мениям манзилимгача олиб кетинглар?!» дебди йигит.
Карвонбоши «Йўл кирага пулинг борми?» дебди, йигит «Пулим йуқ-ку аммо зукко ақлим бор!» дебди.
Карвонбоши бўпти йўлда қарашиб кетарсан дея йигитни олиб кетишга розилик берибди.
Карвон йўлга тушибди.
Йўлда бир дарё кўприги бузилиб ётган экан.
Карвонбоши боши қотиб «Кел зукко йигитдан бирон фикр сўрайчи» деб йигитни ёнига чақирибди.
Йигит «Кўприкни тузатиш учун дастгоҳлар борми?» деб сўрабди, карвонбоши дастгоҳлари йўқлигини билдирибди, йигит «Усталарчи?!» дебди, карвонбоши уста хам йўқлигини хамма тижоратчи эканлигини билдирибди.
Зукко йигит озгина ўйланиб қолиб кейин ечимини топдим дебди, «Дарё яқинидаги қишлоқларга чопарлар юбориб усталарни, керакли дастгохларни топиб келишсин!» дебди.
Чопарлар юборишиб усталарни топиб келишибди ва кўприкни тузаттиришибди.
Карвон йўлида давом этибди.
Йул юриб йўл юрса ҳам мўл юриб қир-адирлар ошиб, тоғлар этагига келишибди, тоглар этагида бир тўда ёввойи йиртқич хайвонларга дуч келишибди.
Карвон ахли йиртқичлардан қандай ўтишни билмай яна зукко йигитга юзланишибди.
Йигит йиртчиқ хайвонларни гўшт билан тоққа адаштириб келишни ўргатибди.
Карвон яна йўлда давом этибди.
Йўл юриб йўл юрса хам мўл юриб Хитой чегарасига етишибди.
Помир тоғлари этагида карвон ахли йигитга зукколиги учун миннатдорчилик билдириб чиройли зар тўн, марғилон дўпписи ва атлас белбоғ беришибди. Йигит карвон билан хайрлашиб ўз йўлига равона бўпти.
Йўлда бир қишлоқдан чиқибди.
Қишлоқ ахли йигитни қўзи гўшти ва қимиз билан меҳмон қилиб, қишлоқда сув танқислигини, чашма ва булоқлар узоқдалигини билдиришибди
Йигит уларнинг муаммосини тушуниб уларга ёмғир сўрашни тавсия қилибди.
Қишлоқ ахли «Ёмғирни қандай сўраймиз?» дебдилар, зукко йигит уларга Аллоҳ таолодан дуо қилиб сўрайсизлар дебди.
Қишлоқ аҳли Аллоҳ таолодан қандай дуо қилиб сўраймиз дейишибди.
Йигит уларга Ислом дини арконларини, Аллоҳга ибодат қилишни ва дуо қилиб сўрашни ўргатибди.
Қишлоқ ахолиси таяммум ва ибодат қилиб Аллоҳ таолодан ёмғир сўрашни бошлашибди.
Аллоҳнинг қудрати ила осмондан покиза ёмғир ёға бошлабди.
Қишлоқ ахли зукко йигитга қандай миннатдорчилик билдиришларини билмай юзланибдилар.
Зукко йигит «Осмонидан покиза сувни ёғдирган Аллоҳдан менга фойдали илм ва ҳикматни сўранглар!» дебди ва ўз йўлида давом этибди.
Йигит тоққа кўтарилиб борган сари йигитнинг нафаси қиса бошлабди.
Чунки у тоғ шароитида яшаб кўникмаган эди-да!
Шунда йўлидан бир мўйсафид чол чиқибди.
Чол авлиёсифат бўлиб, йигитга «Тоққа чиққанингда бир-бир тўхтаб кўтарилган баландлигинг учун Аллоҳга шукур қил, шунда юрагинг дам олади ва яна бемалол кўтарилаверасан!» дебди.
Йигит мўйсафиднинг айтганидек сабр ва шукур қилиб аста-аста чўққига кўтарила бошлабди.
Чўққига етганда бир кичик бинони кўрибди.
У бинога салом бериб кирибди.
Бино қоровули бор экан, қоровул унга боғ қоровули эканлигини, боғ маликага қарашли эканлигини айтибди.
Йигит қоровулнинг сўзларидан жинни одам тўғри гапирганини, вайсақи кампир тўғри йўл кўрсатганини тушунибди.
Энди фурсат маликани топишга - олма дарахтини қидиришга етган эди.
Йигит хар қанча боғни айланмасин олма дарахтини топа олмабди.
Йигит жинни одамнинг бир гапи тўғри, иккинчиси эгри бўларканда деб хафа бўлиб ўтириб қопти.
Шунда йигитнинг бошига бирдан апелсин меваси тушибди.
Йигит апелсинни олиб аччиқ устида ея бошлабди,
еб бўлмасидан олдига яна бир апелсин тушибди.
Йигит аламидан иккинчисини олиб ея бошлабди.
Иккинчи апелсинни еб бўлмасидан учинчиси, тўртинчиси туша бошлабди.
Йигит бу қанақаси деб юқорига қараса апелсин дарахти устида чиройли бир парирўй қиз турганмиш.
Йигит маликани апелсин дарахти устида топганлигидан хурсанд бўлармишу, жинни айтган олма аслида хитой олмаси эканлигини тушунмаганидан хафа бўлармиш.
Кейин зукко йигит Малика Зубайдага уни қийнаётган жумбоқнинг ечимини топа олишини ва ўзининг хам шартлари борлигини айтибди.
Малика йигитнинг шартлари қандайлигини сўрабди
Йигит жумбоқнинг ечимини топгандан кейин малика у билан бирга унинг юртига кетишини, йўлдаги авлиё чолни ўзига отадек кўриши, карвон ахлини ўз халқи сифатида кўриши лозимлигини, вайсақи кампирни ўз онасидек кўриши лозимлигини, жинни одамни ўз акасидек, етим болакайларга хамма айтганларини қиладиган меҳрибон онадей бўлишлиги кераклигини айтибди
Малика озгина ўйланиб қолибди, мани бахтли қиладиган узукка эгалик қилишим учун шунча шартларни бажаришим керак бўлса узук ростан ҳам хислатли экан деб зукко йигитнинг шартларига рози бўлибди.
Малика йигитга энди жумбоқни ечимини айтинг дебди.
Йигит жумбоқ ечимини тушунтириб берибди.
Малика Зубайда жавобдан хайратланиб йигитга таьзим қилиб , «Энди сизнинг ёрингизман, авлиё чол отам, вайсақи кампир онам, жинни одам менга акамдек, етим болажонлар менинг фарзандларим, карвон ахли - менинг халқимдир!» деб йигит билан бирга кетишга розилик берибди ва ўз давлатининг ярмини йигитга қолган ярмини халқига улашиб тўй-у томоша қилибдилар!
Авлиё ота уларни доим ўз насихатлари билан рухлантирар, кампир эса доим эговлаб тураркан.
телба акаси доим бир нималарни гапириб юраркан.
Болалари эса бугун мени галим , йўқ мани галим деб хислатли узукни навбатма навбат тақишар экан! Шундай қилиб Малика Зубайда ва зукко йигит бахтли ва фаровон хаёт кечирибдилар.
(«Малика Зубайданинг эртаклари» - А.Б.Исаков қаламидан)
Присоединяйтесь к ОК, чтобы посмотреть больше фото, видео и найти новых друзей.
Нет комментариев