Предыдущая публикация
Нур чәч,бәхеткә коен
Шаталакмын, пошмасмын,
Беркатлымын ‒ ыштансыз.
Шыр тиле, дип, ялгышасыз.
Минме юләр,юк, что сез...
Җитмешкә җитеп киләм,
Инде акыл утырмас.
Эзләмим, кирәкми дә ул,
Керсә дә озак тормас.
Яшәүнең бар матурлыгы,
Дөньяның бөтен тәме ‒
Нәкъ менә шулай яшәүдә.
Юк, дип, ярышмагыз яме.
Эчеңдәген тышыңда итү,
Күпләр өчен бик кыен.
Син шундый булып кара,
Нур чәчеп,бәхеткә коен.
Сания Шәрипова, Башкортостан, Бүздәк
11.12.2024
Следующая публикация
Нет комментариев