Предыдущая публикация
Зәмирә Рәҗәпова ире Максим белән булган хәлләр турында яза.
Чәчләр үрә тора!
"Зина кылучылар тәмугта яначак!"
«Шушы көннәрдә миңа Максым бер смс күрсәтте. Анда бер хатын аңа мөнәсәбәтләр тәкъдим итә, аны бик ошатуын яза. Бу хатынның минем структурада («челтерәвекле» бизнеста) менеджер булып эшләгән кеше булуы шаккатырды. Ул мине белә, минем белән аралаша. Карап торышка бик тыйнак, аның турында алай уйлап та булмый.
Ул Максның гаиләсе, балалары булуын белүе турында яза. Әмма аңа Макс ошый икән. Көчле аргумент шул. Мондый кешеләр нәрсә уйлап шундый юлга бара икән? Бәхетле буласылары киләме? Көнләшүме? Көнчеллекме? Хайван инстинктымы? Бозыклыкмы? Нәрсә бу?
Ирем белән бер-беребезгә ышанабыз, безнең серләребез юк, телефонда, социаль челтәрдә дә парольләр юк.
Әгәр ир-егет уңай җавап бирсә... Алай да булырга мөмкин, моннан беркем дә «сакланмаган». Шулай ук без дә. Бу нәтиҗә күпләр өчен катастрофа булачак. Уздык, беләбез. 15 ел узды, әле дә искә төшкәндә, «каз тәннәре» чыга. Барлык кеше дә зыян күрәчәк: ир, аның хатыны, балалар, ата-аналар – бер азгын аркасында күпме кеше травма ала. Аңа ирем ошый икән…
Бу турыда язаргамы, юкмы, дип озак уйладым. Язарга булдым. Әгәр сез өйләнгән яисә кияүгә чыккан кешегә күз салгангансыз икән, миллион тапкыр уйлагыз. Зина кылучылар тәмугта яначак. Кисәтеп куям: киләсе юлы постны әлеге кешенең фотосы һәм паспорт мәгълүматлары белән куям. Мин моны булдыра алам. Тәмугтан ким булмаячак, минем белән бәйләнешкә керергә киңәш итмим», – дип язган Зәмирә.
Следующая публикация
Нет комментариев