Предыдущая публикация
Кояшлы Башкортостан ‒
Күзләр кызыгыр төбәк.
Диңгез аръягындагылар
Карыйлар аңа күз төбәп.
Башкортостаным минем ‒
Бер могъҗизалар иле.
Басулары тулы игенен
Иркәләп үстерә җиле.
Чәчәкләрдән тонналаган
Бал җыя солок кортлары.
Суык- яңгырдан саклый
Үзләре корган йортлары.
Башкортостанымның
Һәрбер үләне дә дару.
Чишмәләре ‒ сихәт-дәва,
Уртласаң, тоймыйсың ару.
Башкортостаным минем
Җырлар тудырган илем.
Яшәү көче, илһам биргән
Мактаныч гөлем минем.
Сания Шәрипова, Башкортостан, Бүздәк
Присоединяйтесь к ОК, чтобы посмотреть больше фото, видео и найти новых друзей.
Нет комментариев