Йаг|всыз асквшква рак|вп| сгвы йг|атахакваз,
Альбом,йг|важьхауа асуратква збжьу.
Ахвыртаква,асквшква йрзымырбзихакваз,
Бнап| пшкаква, ужвг|андзарагьи сыззыбжу.
Баъамзара сащцарыгьи уахьч|ва,
Сгвы ахвырта бжьыбжьит| йщаквымч|вауа.
Хвагата сц|ыхъва йтымц|уа йыба чва,
Сан хъг|а ач|выта баъамзара счвыбаргвхауайа.
Йк|ьагвата бг|азлалуа спхызква рпны,
Йсзг|аныбжьуа бпхара йсзымхъауата.
Шарпны надзазтын йг|амыздит| атдзы,
Бызбара стахъы, йшпхызыз хъасымц|ауата.
Йбамп|ит| сгвы, ахъвыцраква снарахвит|,
Бг|асгвалашват| х|ва йц|рит|,йбзыбжу спсы.
Бсурат збжьу альбом г|асахвит|,
Пшкадза бг|аспшит|,йгьаласц|арым мцы.
Асквшквагьи наск|ьит|,саргьи сгьчк|вынхым,
Хъг|адза бъату,сгвы ак|вап| йамажвуа.
Сыбраквагьи адзын пст|а г|арх|вахын,
Сгвы ак|вп| барала йнамхъауа...
Л.Р.Д
Присоединяйтесь к ОК, чтобы посмотреть больше фото, видео и найти новых друзей.
Комментарии 2