Восень фарбы яркія ўзяла
Упрыгожыць дрэвы пазалотай,
А чырвонай столькі разліла -
Прыхаваць каб толькі адзіноту.
Прыйдзе час і будзе лістапад
Настальгіяй сэрца мне трывожыць.
Не спыніць, не вернеш час назад.
А душа так ціха гэта просіць.
Прыпеў:
Лістапад, чароўны лістапад
Дываном сцяжынкі засцілае.
Лістапад , прыгожы лістапад
У юнацтва зноў мяне вяртае.
Я злаўлю кляновы ліст рукой
І з мінулым павяду гаворку.
На душы - і смутак, і спакой,
А юнацтва ў небе стала зоркай.
І танцуе лісце над зямлёй
Вальс апошні, ціхі развітальны.
Дарыць восень сумную любоў,
І гаворыць голасам адчайным:
"Адтанцуе ціхі лістапад,
Настальгіяй сэрца патрывожыць,
Не спыніць, не вернеш час назад ..."
Прабачэння восень ціха просіць.
Прыпеў:
Лістапад, чароўны лістапад
Дываном сцяжынкі засцілае.
Лістапад , прыгожы лістапад
У юнацтва зноў мяне вяртае.
Я злаўлю кляновы ліст рукой
І з мінулым павяду гаворку.
На душы - і смутак, і спакой,
А юнацтва ў небе стала зоркай.
Присоединяйтесь к ОК, чтобы посмотреть больше фото, видео и найти новых друзей.
Комментарии 1