Заз чи хуьруьн рушарин арадай вун,
Гъетерикай зуьгьре гъед хьиз аквадай.
Вун такурла - вахъди кьару хьана зун,
Йифиз цава зуьгьре гъетрехъ къекъведай.
Акъвазна хьиз зуьгьре гъетрен къаншарда,
Рахадай зун адахъ галаз гъам пайиз.
Ак1 жедай заз гьа и рахай арада,
Зи к1аниди- зун вахъ галаз рахайхьиз.
К1анивилин сир гуз хьанач завай ваз,
Вун гъвеч1и тир, гьеле фад я лагьана.
Армидиз фидай вахтарни хьанвай заз,
Гьа кар хьана, сир тагунин багьана.
Са кьве йисалай хтайла зун хуьруьз чи,
Ван хьана заз , гъуьлуьз фена лагьуз вун.
Туьк1венач кар, ракъуриз хьанач илчи,
Кьиле тефей умуд гваз амукьна зун.
Гьикьван йисар фейит1ани арадай,
Муьгьуббатди гелер тазва рик1ерал.
Ихьтин к1валах акъатдай туш фикирдай,
Уьмуьрда ам- пар хьиз жеда къуьнерал.
К1анибур гзаф жеда - лугьуз дуьньядал,
Эхтилатар авайди я лезгийриз.
Кьисметди сад гъида ви рак1арал,
Юлдаш хьурай лагьана ви уьмуьрдиз
Присоединяйтесь к ОК, чтобы посмотреть больше фото, видео и найти новых друзей.
Нет комментариев