"Һай!"диярлек эшләр кылмадым,
Күзәтүчән булгангамы икән-
Кешеләрне мин күп сынадым.
Артык әрсез булсаң,яратмыйлар,
Кыюсызга яшәү бик авыр.
Ярап булмый һич тә кешеләргә,
Бу замана бигрәк болгавыр!
Җебеп торсан,таптап,изеп китәр
Бер әрсезе һәрчак табыла,
Дәрәҗәле урын биләп алсаң,
Куштаннары килеп сарыла.
Хәлле чакта- бар да синең дустың,
Кайсы туган,кайсы кодача,
Сиңа кирәк булса-ай күрә дә,
Кояш ала!Бар да тиз кача.
"Яхшылыгың мәңге онытмам",-дип
Әйткәннәрдә тишек хәтерме?
Аш биргәнгә таш яңгыры ява,
Я,шушымы кеше кадере?
Усал булсаң-урап уза күпләр,
Юаш булсаң-хәлең мөшкелрәк:
Андый чакта аяк салындырып
Җилкәң биләучеләр күбрәк.
Уйларыңны туры бәреп әйтсәң,
Ярамыйсың хәтта туганга.
Ә күпләрне өнәп бетермиләр
Артык тәмле телле булганга...
Артык сабыр булсаң-йөрәк туза,
Ашыкканда-ашка пешәсең.
Дус дигәнең дошман булып чыкса,
Кат-кат чокырына төшәсең...
Кирәкмидер гел кешедән куркып,
Кемнәргәдер һаман ярарга.
Ничек булсаң,шулай кабул итеп,
Сине хөрмәтләүче булганда.
Тәҗрибәмнән чыгып,шуны әйтәм:
Үз бәяңне бел,син-бердәнбер,
Нинди генә хәлгә тарысаң да,
Һәрчак үзең булып кала бел.
Алсу Гаязетдинова
Присоединяйтесь к ОК, чтобы посмотреть больше фото, видео и найти новых друзей.
Комментарии 57