რაც ვერ გხედავ, ვეღარ გეფერები და ვერ გიხუტებ გულში, ხომ იცი როგორ მიყვარხარ და მენატრები საყვარელო, თბილო და ტკბილო დედა. ძალიან ძნელია უშენოდ ცხოვრება.დედას ვერავინ და ვერასოდეს შეცვლის, რაც არ უნდა ბევრი თბილი და კეთილი სიტყვა ვუთხრათ, მაინც არ იქნება საკმარისი იმისთვის, რომ ამაგი დაუფასოთ.
გაუფრთხილდით, გიყვარდეთ და პატივი ეცით დედიკოებს, ყველაფერი გააკეთეთ იმისთვის, რომ მათ შეძლონ თქვენით იამაყონ, მასთან ერთად გაიზიარეთ ყველა სიხარული და მწუხარება, მოეფერეთ ყოველ დღე და უთხარით, რომ აფასებთ თითოეულ მასთან გატარებულ წამს… იმ წამებს, როდესაც შეგიძლიათ მას კეთილ, ჭკვიან და სიყვარულით სავსე თვალებში ჩახედოთ.
დედა მიყვარხარ! ხშირად გაუმეორეთ – ის ამას იმსახურებს და დამიჯერეთ ამ სიტყვების მოსმენა ყოველთვის გულს უთბობს.
ზოგჯერ თუ სევდა დანისლავს თვალებს,
ვერ დაიოკებს ცრემლებს ჟინიანს,
ნუ შეგაშინებს უძირო ღამეც,
ვიდრე დედა გყავს, ნუ გეშინია.
თუ გაგიხუნებს მეწყერი ფერებს
და ზამთრის სუსხი მხრებზე დაგათოვს,
გულს ნუ გაიტეხ, რა ვუყოთ მერე,
დედის გული და კალთა გაგათბობს.
ნუ შეგაშინებს მეხი იერით,
მეხი უფესვო ხეებს ერევა,
ვიდრე დედა გყავს, შენ ხარ ძლიერი,
ვიდრე დედა გყავს, ვინ მოგერევა.
ჭირთა თმენა და დიდი იმედი,
დედა სიცოცხლის თვალისჩინია,
ვიდრე დედა გყავს, ხარ ბედნიერი,
ვიდრე დედა გყავს, ნუ გეშინია.
Присоединяйтесь к ОК, чтобы посмотреть больше фото, видео и найти новых друзей.
Нет комментариев