Предыдущая публикация
Адносна затрыманняў
5 сакавіка было запланаванае мерапрыемства зарэгістраванай арганізацыі “Свабодны прафсаюз Беларускі”. Яно было прысвечанае збору актыву прафсаюзнага руху беларускіх вну, дзе створаныя ячэйкі СПБ – БДУ, БНТУ, БДПУ, БДМУ, БДАІ, БДУКІ, БДАМ. Яны меліся стварыць галіновую прафсаюзную студэнцкую арганізацыю СПБ - ЛіСА (Ліга студэнцкіх аб’яднанняў).
Абсалютна беспадстаўна і незаконна падзея была спыненая, што адназначна з’яўляецца ўмяшальніцтвам у дзейнасць прафсаюзнага руху. Затрыманыя прысутныя на сустрэчы лідары студэнцкага прафсаюзнага руху, кіраўніца мінскай гарадской арганізацыі СПБ Марыя Тарадзецкая, сустаршыня БХД Віталь Рымашэўскі, кіраўнік Інстытуту дэмакратыі і сацыяльнага рынку Зміцер Кухлей, палітолаг Андрэй Ягораў ды іншыя. Зараз яны знаходзяцца ў розных РАУС.
“Нікому не навіна, што прававы дэфолт у Беларусі дзейнічае з дня фальшывых выбараў. Сёння затрыманыя удзельнікі і госці афіцыйнага прафсаюзнага мерапрыемства - устаноўчага сходу галіновай арганізацыі Свабоднага прафсаюза- студэнцкага аб'яднання СПБ. Умяшанне ўладаў у дзейнасць прафсаюзаў забаронена законам і канвенцыямі МАП. Улады дэманстратыўна топчуць і нацыянальнае і міжнароднае права. Гэта шлях да разбурэння дзяржавы”, - пракаментаваў затрыманні кіраўнік СПБ Мікалай Шарах.
Мы сочым за развіццём падзеяў.
Следующая публикация
Нет комментариев