Предыдущая публикация
27 февраля (по старому стилю 14 февраля)
Память святых угодников Божиих:
преподобного Шио (Симеона) Мгвимского, одного из основателей Грузинского монашества (VI в.) (переходящее празднование в четверг сырной седмицы);
преподобного Авксентия Вифинского пресвитера, отшельника (V в.); святителя Авраамия, епископа Каррийского (IV–V вв.); преподобного Илариона Грузина, Святогорца (XIX в.); преподобного Исаакия, затворника Печерского, в Ближних пещерах почивающего (XI в.); равноапостольного Кирилла (Константина) Философа, Моравского, учителя Словенского (827–869); преподобного Марона, пустынника Сирийского (IV в.); мучеников и исповедников благоверного князя Михаила и болярина его Феодора, Черниговских, чудотворцев (XIII в.); священномученика Онисима (Пылаева), епископа Тульского (XX в.); священномученика Павла (Дернова) пресвитера и сыновей его мучеников Бориса, Григория и Симеона (XIX–XX вв.); священномученика Трифона (Радонежского) диакона (XX в.); двенадцати греков, строителей соборной Успенской церкви Киево-Печерской лавры (XI в.).
Поздравляем именинников!
Тропарь, глас 8 (преподобному Шио (Симеону) Мгвимскому):
В тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней; темже и со Ангелы срадуется, преподобне Шио, дух твой.
Кондак, глас 4 (преподобному Шио (Симеону) Мгвимскому):
Житие твое служением Господним исправил еси и, взем крест, оставил еси вся житейская, красото пустыни, преподобне Шио. Кого убо паче тя, и по смерти жива суща, страна Иверская почитает и мощми твоими, от гроба явленными, услаждается, темже не престай моляся о нас ко Господу.
Тропарь, глас 1 (преподобному Авксентию Вифинскому пресвитеру):
Пустынный житель и в телеси Ангел, и чудотворец явился еси, богоносе отче наш Авксентие, постом, бдением, молитвою Небесная дарования приим, исцеляеши недужныя и души верою притекающих ти. Слава Давшему ти крепость, слава Венчавшему тя, слава Действующему тобою всем исцеления.
Кондак, глас 2 (преподобному Авксентию Вифинскому пресвитеру):
Насладився, богомудре, воздержания и желания плоти твоея обуздав, явился еси, верою сияя, якоже сад посреде рая, процвел еси, Авксентие отче священне.
Тропарь, глас 2 (преподобному Исаакию, затворнику Печерскому, в Ближних пещерах почивающему):
Светлости святых насладитися вожделев, в темную вселился еси пещеру, прехвальне, и добре подвизался еси, Исаакие, прельщен же быв от врага, паки крепко попрал еси того вся коварства. И ныне, яко победитель, в веселии предстоя Христу Богу, проси нам мира и велия милости.
Кондак, глас 5 (преподобному Исаакию, затворнику Печерскому, в Ближних пещерах почивающему):
Вражию прелесть низложивша и в постничестве светло просиявша, приидите, вернии, восхвалим Исаакия победоноснаго, иже, яко злато, во искушениих просия и просвещает сердца верно к нему притекающих, моляся Господеви непрестанно о душах наших.
О преподобном Исаакии, затворнике Печерском, тропарь и кондак святому читайте в книге: Святые Киево-Печерские.
Тропарь, глас 4 (равноапостольному Кириллу (Константину) Философу, Моравскому, учителю Словенскому):
От пелен прилежно премудрость сестру себе сотворив, Богогласе, пресветлую видев, яко девицу чисту, юже прием, приведе, яко монисты златыми, сею украсив свою душу и ум, и обретеся яко другий Кирилл, блаженне, разумом и именем, мудре.
Кондак, глас 2 (равноапостольному Кириллу (Константину) Философу, Моравскому, учителю Словенскому):
Твердым и богодухновенным учением просвещая мир пресветлыми зарями, обтече, яко молния, вселенную, Кирилле блаженне, разсевая пресветлое Божие слово на западе, и на севере, и юзе, мир просвещая чудесы.
Тропарь, глас 4 (преподобному Марону, пустыннику Сирийскому):
Яко незаходимое солнце возсия нам днесь светозарными твоими молитвами, преподобне отче наш Мароне, иже некия горы достигл, и тамо на ней живущими нечестивыми чтом бысть, за превосходящую твою к Богу добродетель, и тамо обрет требище идольское, Богу освятив, в нем пребывал еси; и видев Человеколюбец Бог твой подвиг и труды, дарова тебе дар Свой, имже пронесеся имя твое в человецех, целити скорби, огневицу и трясавицу прибегающим к тебе с верою. Темже и зовем: радуйся, целителю наш скорый, радуйся, заступниче наш теплый, предстоиши бо у Пресвятыя Троицы, молися Той о призывающих имя твое святое, да избавимся от сих тяжких скорбей и спасет души наша.
Кондак, глас 5 (преподобному Марону, пустыннику Сирийскому):
Страстей пещь, преподобне, угасил еси воздержания росою, дарованием обогатился еси исцелений от Бога, Мароне, приял еси целити верным болезни тяжкия и бесов отгонити полки. Сего ради с веселием почитаем тя.
О преподобном Мароне, пустыннике Сирийском, тексты молитв в книгах: История боголюбцев / Блж Феодорит Кирский. – М., с. 158–159, 351, 352; Целебник православный. – М., с. 398–399; Молитвослов. Последование ко Святому Причащению; Святые целители: молитвослов.
Тропарь, глас 3 (мученикам и исповедникам благоверному князю Михаилу и его боярину Феодору Черниговским, чудотворцам):
Блаженнии апостоли равночестнии, прияли есте венец от Христа, занеже того достойнии, Михаиле богомудре и Феодоре дивне, мир мирови испросите и душам нашим велию милость.
Кондак, глас 2 (мученикам и исповедникам благоверному князю Михаилу и его боярину Феодору Черниговским, чудотворцам):
Верою укрепльшеся, святии, мучения претерпесте и кровьми своими погасисте пламень сопротивных безбожия, Христа же исповедасте, с Отцем и Духом, Михаиле и Феодоре, Его молите за всех нас.
О мучениках и исповедниках благоверном князе Михаиле и боярине его Феодоре Черниговских читайте в книге: Жития всех святых / Сост. Иоанн Бухарев. – М., с. 93, 464–465.
Тропарь, глас 3 (двенадцати грекам, зодчим и иконописцам, потрудившимся при создании Успенской церкви Киево-Печерской лавры):
Преблаженнии и богоноснии отцы наши, двоенадесятице честная, устроению великия церкве Киево-Печерския послужившии и равноангельным житием Богу угодившии и Того ради дерзновение велие у Него стяжавшии, молим вас прилежно, испросите душам нашим очищение и велию и богатую милость.
Кондак, глас 4 (двенадцати грекам, зодчим и иконописцам, потрудившимся при создании Успенской церкви Киево-Печерской лавры):
Богатство благодати и сыноположения стяжавше многими подвиги и добродетельми, ихже ради Христос всели души ваша в Небесныя селения Своя, даровав благодать нетления и чудес мощем вашим. Сего ради вопием вам: радуйтеся, двоенадесятице честная, великия церкве Печерския здатели и ликов иноческих похвало и утверждение.
О двенадцати греческих мастерах, тропарь и кондак святым читайте в книге: Святые Киево-Печерские.
Православная проза https://www.pravmolitva.ru/catalog/pravoslavnaya-proza-propovedi-nastavleniya.html
Следующая публикация
Нет комментариев