Молитва

Господи, согрешихом на Небо и пред Тобою! Приими покаяние нас, грешных, приими нас, Человеколюбче, зело прогневавших Тя, приими нас, преступивших заповеди Твоя. Се взываем к милосердию Твоему: спаси и помилуй нас, грешных, исцели души наша, даруй здравие болящим, помоги обнищавшим, защити обидимых, свободи невинно ввергнутых в темницу, помилуй оклеветанных и неправедно гонимых, подай утешение скорбящим. Избави нас от лжи, лукавства, гордыни и злобы бесовской, не попусти антихристу воцариться в умах и сердцах наших. Не лиши нас помощи Твоея, низпосли нам милость Твою, даруй нам, грешным, заступление Твое и избави ны от враг наших. Ты бо еси Бог наш, и мы людие Твои, вси дела руку Твоею, и имя Твое призываем. Аминь.
Молитвы на разные случаи https://www.pravmolitva.ru/catalog/molitvy-na-raznye-sluchai.html