Предыдущая публикация
7 ноября (по старому стилю 25 октября)
Память святых угодников Божиих:
мученика Анастасия Аквилейского, Салонского (III в.); мучеников Маркиана и Мартирия нотариев, Константинопольских (IV в.); преподобного Мартирия, диакона Печерского, в Дальних пещерах почивающего (XIII–XIV вв.); преподобного Мартирия, затворника Печерского, в Дальних пещерах почивающего (XIII–XIV вв.); преподобной Матроны (Власовой) исповедницы (XX в.); праведной Тавифы Иоппийской (I в.).
Поздравляем именинников!
Тропарь, глас 1 (мученикам Маркиану и Мартирию нотариям, Константинопольским):
Мученик двоица единонравная, Маркиан с Мартирием славным, Ариево нечестие разрушиша и Соприсносущна Сына Отцу и Духови веровати научиша, Павлу повинующеся, истинных повелений учителю, темже мечем убиени, умроша, и присно со Христом живуще, о нас Того молят спасти души наша.
Кондак, глас 4 (мученикам Маркиану и Мартирию нотариям, Константинопольским):
Подвигшеся добре от младенства, Маркиане с мудрым Мартирием, отступника Ария низложисте, невредно сохраньше Православную веру, Павлу последующе, мудрому учителю, темже с ним обретосте живот, яко Троицы поборницы изряднейшии.
Тропарь, глас 1 (преподобному Мартирию, диакону Печерскому, в Дальних пещерах почивающему):
Служивый в чину диаконства Господеви добре, честный иеродиаконе Мартирие, и тамо, яко слуга Господень обретыйся, идеже и Господь твой, молися Ему и о нас, да подаст нам велию милость.
Кондак, глас 2 (преподобному Мартирию, диакону Печерскому, в Дальних пещерах почивающему):
Диаконе честный, иночествующим похвало и преподобным сопричастниче, всеблаженне Мартирие, молися Господеви непрестанно о всех нас.
О преподобном Мартирии, диаконе Печерском, тропарь и кондак святому читайте в книге: Святые Киево-Печерские / Сост. Посадский Н.
Тропарь, глас 2 (преподобному Мартирию, затворнику Печерскому):
Велия веры исправления, в пещернем затворе, яко на воде упокоения, преподобне отче Мартирие, радовался еси, огнем бо любве Божественныя распаляемь, бдением и молитвою безстрастия достигл еси и явился еси равноангельный на земли. Того молитвами, Христе Боже, спаси души наша.
Кондак, глас 8 (преподобному Мартирию, затворнику Печерскому):
Христовою любовию уязвив душу, преподобне отче наш Мартирие, в пещернем мраце свет спасения обрел еси и, яко чадо избранное великих отцев Печерских Антония и Феодосия, вкупе с ними обитель райскую унаследовал еси, отонудуже призирай ныне на обитель земную, в нейже подвизался еси, и молися о чтущих память твою, да зовем ти: радуйся, Мартирие, молитвенниче о душах наших.
О преподобном Мартирии, затворнике Печерском, тропарь и кондак святому читайте в книге: Святые Киево-Печерские / Сост. Посадский Н.
Тропарь, глас 3 (преподобной Матроне (Власовой) исповеднице):
Скорби, гонения, болезни многия в годину лютых испытаний претерпевшая и верою твердою первым мучеником христианским уподобившися, преподобноисповеднице Матроно, молися ко Господу о спасении душ наших.
Кондак, глас 6 (преподобной Матроне (Власовой) исповеднице):
Днесь пророчество преподобного Серафима исполнися: множество новомученик Престолу Божию со Ангелы предстоит, с нимиже и преподобноисповедница Матрона в Дивееве Небеснем молится непрестанно о земном отечестве своем.
Тропарь, глас 4 (праведной Тавифе Иоппийской):
Днесь вера Христова утверждается камнем веры, и ликовствует в веселии Иоппия, псаломски славословят Жизнодавца Сына Божия вернии, видяще совершаемо велие чудо: первоверховный апостол глаголет, и умершая востает от гроба, юже Низложитель смерти дарует Церкви, да украшаются во образ ея добродетельми людие. Приидите убо, христиане, принесем ко святей моления наша: блаженная Тавифо и милосердная, вознеси наша воздыхания Пресвятей Троице и молися со дерзновением, да сынове Света Превечнаго будем, да сподобимся Божия милости, да пребываем в любви Божественней, и да царствует мир во вселенней.
Кондак, глас 4 (праведной Тавифе Иоппийской):
Ужасахуся Иоппийстии людие, и дивляхуся Ангели Божии, егда Исцеливый Еннея воззва от мертвых серну нарицаемую, милосердием преукрашенную, о нейже к Нему взываху вдовицы неимущия. И ныне, Тавифо блаженная, услыши молитвы наша, к тебе приносимыя, и испроси у всяческих благ Подателя милости и щедроты верным Его, да, блажаще тя, вопием ти: радуйся, добродетели нас научающая.
Величание
Величаем тя, святая праведная Тавифо, и чтим святую память твою, ты бо молиши за нас Христа Бога нашего.
Православная литература https://www.pravmolitva.ru/catalog/pravoslavnaya-literatura.html
Следующая публикация
Комментарии 1