Предыдущая публикация
Зулхумор
Аз башаанденанд ҷаӯнтӣр мурд ба ғайр аз Зулхумор,
Йуусуфистӯн мис ца сӯд динйо, йичаай мурд нист бакор.
Икдэ мақсадтӣр навуд, йак бор ба рааматъ тар му чост,
Шӣргулак раангтӣр Рихьӯн вьээгаалва нахьтӣм ар буор.
Пӣц лу Хӣр, шанден фатӣр, цемат вирӯгьен арца гьээдз,
Сабр дарбаста’, му ҷӯн гьээдзтӣр кабобат – вьуз қарор!
Бе вьаматъ йуухьк ар му пӣц Хӯф чахьмайен раангтӣр равьӯн,
Бе гулатъ булбул амехьа’ суузахьат даардъард дичор.
Шерата’ йуурхьат палаанген аз му дилкаф вад мудӯм,
Жӣвьҷгэ чаангандум хьитумбуц раангти шич судъҷ бемадор.
Вьам киноранҷӣвдата’ баачӣд муйассар мурд ца кихьт,
Одамум нист, лӯм ага ҷаннатга аз Парвьардигор!
Вьуз йақӣн фаамум, Худъойанд тар бийихьтец ачга нист,
Бӣдийат, хушрууйдийат, форумдэ ғаац аз Зулхумор.
Дӯнд авен, Нодир, амехьа’ вьам тилаабум аз Худъой,
Вьам ца дъӣд мурд, Хӣр миғуунд саавьум фалак маактӣр савьор!
НОДИР ШАНБЕЗОДА
Следующая публикация
Нет комментариев