Предыдущая публикация
Телефондон ыр жаздык калем албай,
Кээде начар жагымсыз кээде балдай.
Зарят өчкөн кезинде ыр кошо өчөт,
Көп издеген ойлордун бири калбай.
Интернеттиң өчкөндө бирдик салбай,
Ичкенибиз аш болбой жүрдүк далай.
Интернетти көп айлык төлөгөндөй,
Ишти унутуп олтурабыз карек талбай.
Он сегиздей жаш кылды каары кызды,
Ойго салып мас кылды баарыбызды.
Издегениң гоогулга жаз чыгат десе,
Интернеттен издеп калдык жарыбызды.
Сүйүү достук баарысын катып алды,
Сүйүшкөндөр ватсапта жатып алды.
Талаадагы тамандан тартма саздай
Интернетке адам затты батып алды..
Суранчиев.Э.А
Следующая публикация
Комментарии 1