Предыдущая публикация
Навбаҳорон зи гулам бӯи ту хуш меояд,
Ҳамаро боғу маро рӯи ту хуш меояд.
Ҳамчу наргис наниҳам чашм ба сарви лаби ҷӯй,
Ки маро қомати дилҷӯи ту хуш меояд.
3-он ҳама ҳалқа, ки шамшод занад бар сари гул,
Бандаро ҳалқаи гесӯи ту хуш меояд.
Бӯи гулзор хуш ояд ҳама касрову маро
Нагҳати хоки сари кӯи ту хуш меояд.
Печи сунбул ба чаман ҳеҷ намеояд хуш,
Пеши рӯи ту хами мӯи ту хуш меояд.
Шеваи чашм чу наргис чӣ кунад ишваву ноз,
Шева аз наргиси ҷодуи ту хуш меояд.
Следующая публикация
Комментарии 2