Предыдущая публикация
125 гадоў Міхалу Ганчарыку
Юбілей кіраўніка «Аршанскага Маладняка».
24 лістапада 1899 году ў вёсцы Кляннік Ігуменскага павету нарадзіўся Міхал Мікалаевіч Ганчарык — беларускі навуковец-біёлаг, фізіолаг раслін і пісьменнік. Кіраўнік Аршанскага філіялу «Маладняка» ў 1925–1928 гадох.
Як і ў большасьці іншых яскравых прадстаўнікоў беларускай нацыянальнай інтэлігенцыі, лёс Ганчарыка сумны. Арыштаваны ў 1930-х гг. у справе «Беларускага нацыянальнага цэнтру», прыгавораны да 10 гадоў лагераў.
У чым жа навуковыя дасягненні Міхала Ганчарыка? Ён аўтар навуковых прац па фізіалогіі і біялогіі расьлін. Распрацоўваў навуковыя асновы палярнага земляробства, вывучаў пытанні вырошчвання бульбы, капусты і іншых культур ва ўмовах Крайняе Поўначы. Усталяваў розную патрабавальнасць бульбы да вільготнасці глебы ў антагенэзе, даследаваў фотасынтэз у бульбе, адток асімілятаў, уплыў ёнаў хлёру і хлёрзмяшчальных паташовых угнаеньняў на фізіялагічныя працэсы раслін, асабліва бульбы.
На фатаздымку Горацкая філія «Аршанскага Маладняка», 1926 год. Подпіс зрабіў канал BELARUSIUM. Стаяць: (злева направа) Алесь Вечар, Рыгор Мурашка, Чыжонак, Уладзіслаў Прыбыткоўскі, Калядка. Сядзяць: Мятла, Сяргейчык, Міхась Ганчарык (кіраўнік філіі), Васіль Каваль, Юрка Гаўрук, Алесь Дземідовіч.
Следующая публикация
Нет комментариев