Предыдущая публикация
Qadrli yurtdoshlar!
Barchangizni O‘zbekiston Respublikasi davlat mustaqilligining 23 yillik to‘yi bilan butun o‘zbek xalqini sidqidildan qutlovlarimizni izhor etamiz. Bu bayram barchamiz uchun aziz, qadrli, asrlar davomida ajdodlarimiz orziqib kutgan kun! Bugun biz tarixan qisqa bo‘lgan 23 mustaqillik yillarini g‘urur va iftixor bilan eslaymiz. Chunki, bugun mustabid tuzum iskanjasidan xalos bo‘lib, kim edigu, kim bo‘lganimizni anglab, o‘z qadr-qimmatimiz, qadriyatlarimizni qayta tiklab, iymon-e’tiqodimizga suyanib, yagona xalq va millat bo‘lib, tinch va osoyishta yashamoqdamiz. Chunki ozod O‘zbekiston bugun jahon hamjamiyatida o‘zining munosib maqomiga ega. Aziz ona-yurtimiz kuchli o‘zbek davlati va ochiq demokratik jamiyat qurish yo‘lida olib borayotgan samarali islohotlari bilan, o‘zining mustaqil ichki va tashqi siyosati hamda ezgulik yo‘lidagi keng qamrovli bunyodkorlik ishlari bilan dunyo xalqlarining hurmat-e’tiborini, havasini o‘ziga tortdi. Biz barchangizga baxt, sog’lik, xonadoningizga tinchlik, xotirjamlik, osoyishtalik, ishlaringizda omad tilaymiz! Ezgu ishlarimizda Yaratganning o'zi bizni doim qo'llab-quvvatlasin. Mustaqillik abadiy bo'lsin! Bayramingiz muborak bo'lsin.!
Следующая публикация
Нет комментариев