Предыдущая публикация
Doli:
Отасиз ховлининг файзи йўқ сира,
Онасиз ёришмас бирорта хонанг.
Қараса кўнглингга қарайди лекин,
Қўлингга қарамас отаю онанг.
Топсангу топмасанг
харидорингдир,
Қилмишинг учун хам
гуноҳкорингдир.
Берсангу бермасанг
миннатдорингдир,
Қўлингга карамас отаю онанг.
Ўнта боласини боқаркан ота,
Бир отани боқа олмас ўн бола.
Бошин қоплагунча токи оқ тола,
Қўлингга қарамас отаю онанг.
Бир куни эшикга боқарсан сен ҳам,
Кунда бир йўқлаб қўй қурук бўлса ҳам.
Ёнида ўтиргин бир фурсат бир дам,
Қўлингга қарамас отаю онанг.
Кўнглини авайла дуосини ол,
Охират савобин, зиёсини ол.
Эй фарзанд бу гапим маносини ол,
Қўлингга қарамас отаю онанг.
Боглаб қўймагандур ҳар
иккисин ҳам,
Йўқотсанг наф бермас афсус бахонанг.
Қараса йўлингга қарайди лекин.
Қўлингга қарамас отаю онанг!
Следующая публикация
Нет комментариев