Предыдущая публикация
Давралар тўри ҳам, сизники кўрдим,
Замонлар зўри ҳам, сизники кўрдим,
Шайтоннинг ўзи ҳам, сизники кўрдим,
Етимнинг хаккини, бўлиб еганлар.
Керилиб яшайсиз, бошингиз осмон,
Кекириб яшайсиз, билмайин армон,
Қани бир йиғлангчи, бормикан виждон?
Етимнинг хаккини, тўйиб еганлар.
Кўзларин кўр қилиб, бағрин тош этиб,
Тақдирнинг ҳукмига узатиб кетиб,
Нималар қилдингиз,тирноқдан кечиб?
Етимнинг хаққини, нолиб еганлар.
Яхшиям Ватан бор, Ота-Онаси,
Едириб-кийдирган тафтли хонаси,
Унутманг яқиндур, дўзах ораси,
Етимнинг хаккини, кулиб еганлар.
Дилингиз оғритдим, узр Оталар,
Қизишдим эҳтимол, азиз Оналар,
Бир ўйлаб кўрарсиз, эй ғамхоналар!
Етимнинг хаккини, билиб еганлар.
Следующая публикация
Комментарии 4