Предыдущая публикация
Умрам ба қатори турнаҳо мегузарад,
Монанди баҳори бебақо мегузарад.
Чун барфи сафеди рӯи бому дари мо,
То омадани шамси само мегузарад.
Ин зиндагӣ дар кӯчаи бадбахтии дил,
Бемазмуну берангу сафо мегузарад.
Мо аз ҳама чиз мегузарем баҳри муҳаббат,
Ишқ низ кунун зи баҳри мо мегузарад.
Дил хӯрда ҳазор ғуссаву ғамҳои ҷаҳонро,
Охир зи ҷаҳони бевафо мегузарад.
Механдаму пиндорӣ, ки хушбахти ҷаҳонам,
Аз ин сари ман донӣ чиҳо мегузарад?!
Оҳ ҷони пур аз дарду пур аз ғуссаи ман
Аз байни ҳазору як бало мегузарад...
Следующая публикация
Нет комментариев