Предыдущая публикация
Эй дўст
Ҳанўзам, ки умеди зиндагонист,
Барои ту ғазал мегўям, эй дўст.
Ҳанўзам, ки баҳор асту ҷавонӣ,
Гули ёди туро мебўям, эй дўст.
Саҳар чун шона мепечад ба мўям,
Кушода уқдаҳо, мемўям, эй дўст.
Ғубори хотири неки туро ман,
Ба ашки шодиҳо мешўям, эй дўст.
Агар афтам чу дона зери поят,
Ба марзи ёдҳо мерўям, эй дўст.
Ҳанўзам, ки ҳанўз асту ҳанўз аст,
Биё бар хилвати гесўям, эй дўст.
(Меҳринисо)
Следующая публикация
Нет комментариев