Киләчәккә өмет баглап, хыял аша алга карап бүгенгедә яшибез.
Үткән гомер турында уйламаска кушсалар да, ул бит безнеке... анда безнең белеп һәм белми кылган ялгышлар, хаталар, шатлык-куанычлар, уңышлар...
***
Юк, сагынмам димә... сагынырсың...
Сагындырыр әле үткәннәр.
Алар шулай сагындырыр өчен
Тиз-тиз генә үтеп киткәннәр...
Әнгам Атнабаев
*******
Мин юксынам, әйе... әйләнәм дә
Үткәннәргә килә кайтасы...
Һәрбер хәтирәне ачык күрәм -
Җанга якын аның барчасы...
Рушания Ахмадуллина (Чанышева)
***
Кайтарасы килә яшь чакларны...
Җитми калган кебек бер гомер...
Дөнья мәшәкате куа-куа
Яшь чакларны сагына шул күңел!
(Фаниса Зарипова)
Гомер узган саен, дуслар, хатирәләр кадерлерәк була бара... Хыялыбызда булса да, ешрак кайтабыз яшьлеккә, ерагайган саен ара... Еллар ага, яшьлектән ерагая ара... Салкын көздә ямьле язны көтеп, гомер узып бара...
Артык сүз кирәкмидер монда, бу җырда күп кеше үз хәлен дә күрер бәлки...
***
... Тик дөньяда берни кабатланмый,
Һәрнәрсәнең була сызыгы;
Яшьлекнең дә, әгәр кабатланса,
Булмас иде, бәлки, кызыгы.
Ул кайдадыр бик-бик якында,
Җыр җырлыйлар аның хакында...
(Әнгам Атнабаев)
Присоединяйтесь к ОК, чтобы подписаться на группу и комментировать публикации.
Нет комментариев