Предыдущая публикация
Келажак
Ризқ-рўз сўраб урган бу юрак,
Бир кун кўксим тепмай қўяди.
Кузда баргин тўккандек терак,
Ота-онам бир оз куяди.
Қабр қучар жонсиз вужудим,
Мангу қолар орзу-тилаклар.
Туйғуларнинг сўниб сурури –
Бошқа қалам тутмас билаклар.
Кўмилар мен севган маъсумлик
яна,
Орзумда яшаган қизалоқ.
Ҳаёт эпкинини туйиб ҳар баҳор
қайта,
Қабрим ёриб чиқар қизғалдоқ.
Мен тўймаган ёруғ оламга
Кўзлари қамашиб боқар у,
Айлана олмас-у қайта одамга –
Менинг томиримдан оқар у!
Майли мангу қолмай оламда,
Майли Эгам жонимни олсин,
Фақатгина бирор одамга
Мендан мерос эзгулик қолсин!
(1998)
Следующая публикация
Комментарии 4
Rahmat.
http://m.odnoklassniki.ru/dk?st.cmd=altGroupMain&st.groupId=53151195267170&_prevCmd=userAltGroups&tkn=4808