Эрте менен чай ичип ичпейсиңер,
Кээ бир күнү катуу нанды тиштейсиңер.
Акча таап, үйүмө жөнөтөм деп,
Он эки, он төрт саат иштейсиңер.
Акчанын табуу жолун издейсиңер,
Жарытып кийим деле кийбейсиңер.
Орустун мыйзамында иштеп жүрүп,
Өмүрдүн өткөнүн да билбейсиңер.
Ар күн сайын үйүңдү ойлойсуңар,
Жок дегенде уйкуга тойбойсуңар.
Түшүңө кирип калса жакындарың,
Чочуп туруп, жакшылыкка жооруйсуңар.
Көңүлдү ишке гана бурасыңар,
Бир үйдө он, он бешиң турасыңар.
Кыйналып араң тапкан айлыгыңдын,
Эң алдын батирлерге сунасыңар.
Кээде ток, кээде ачка каласыңар,
Көңүлгө сагынычты саласыңар.
Атың өчкүр акчаны көбөйтөм деп,
Үйүңөргө эки-үч жылда барасыңар.
Кээ күнү ооруксунуп каласыңар,
Ата-энеге жакшымын деп чаласыңар.
Ооруну өтүштүрүп алгандан соң,
Таптакыр жатып дагы каласыңар.
Ата-эне, балдарыңдан алыс болуп,
Сагынычтан боор ооруп, сарык болуп.
Жарытып тамак-ашты жебесең да,
Шишик басып, каласыңар кээде толуп.
Эзилип жүрөгүңөр ооруп турат,
Туулган жерге барсам деп эңсеп турат.
Башкалар көзү менен көрбөгөн соң,
Кыйналган күндөрүңдү кимдер туят?
Акча болсо толтура ченгелиңде,
Жакшы жашап, жакшылар деңгээлинде.
Иштесең, кыйналсаң да өз үйүңдө,
Жашаган кимге жакпайт өз жеринде.
_Ата-энесин, балдарын багамын деп, иштеп жаткан мекендештериме арнадым._ _Кыйналган күндөрүңөрдү башка билбесе да Кудай билип турат._ _Бул күндөрдүн үзүрүн сөссүз көрөсүңөр буюрса._
_Өз үй өлөң төшөгүңөн суурулуп келип иштөөнүн өзү эрдик._
Азаматсыңар.
Автор: Нишановна Урматхан.
22.03.2018.
Присоединяйтесь к ОК, чтобы посмотреть больше фото, видео и найти новых друзей.
Комментарии 104