Ցավում եմ յուրաքանչյուր զինվորի ու գյուղացու համար, որ այս օրերին դարձավ հակառակորդի զոհը, ու խնդրում Աստծուց մխիթարություն, ուժ և համբերություն թե՛ նրանց ընտանիքների ու հարազատների համար, թե՛ մեզ բոլորիս, որովհետև այդ կորուստները մերն են, մեր ազգինը…
Ինչպես մեր հազարամյակների պատմության ամեն մի դրվագում, այնպես էլ այսօր մեզ հերոսներ են պետք:
Ովքե՞ր են մեր սահմանի հերոսները… Դա 18-ամյա նորաթուխ երիտասարդն է, որ 1-2 տարի առաջ դեռևս դպրոցական նստարանին նստած կարդում էր պատմության դասագիրքը, կարդում էր Ավարայրի ճակատամարտի ու մեր հերոսների մասին:
Դա 20-ամյա զինվորն է, որ արդեն օրերն է հաշվում, թե երբ է տուն գալու, որ հագուրդ տա իր կարոտին, սակայն հայրենիքի նկատմամբ սերն ու պատասխանատվության զգացումը կարոտից ավելին է դառնում ամեն մի կրակոցի հետ:
Հերոս է պայմանագրային զինծառայողը, ով թողել է իր ընտանիքն ու հայրենասիրությունից, կամ գուցե ընտանիքի ապրուստն ապահովելու համար, դարձյալ հագել է զինվորական համազգեստ ու կանգնել խրամատում:
Հերոս է սպան ու զինվորականը, ով որոշել է իր կյանքի լավագույն ժամանակահատվածը նվիրել զինվորական գործին՝ քաջ գիտակցելով, որ դա զոհաբերություններ է պահանջելու…
Հերոս են սահմանից այս կողմ մայրերն ու հայրերը, ովքեր կրթել ու դաստիարակել են զինվորին, ովքեր թեև վախենում, բայց հպարտանում են իրենց զինվորով:
Հերոս է իր զինվորին սպասող աղջիկը, ով հավատարմորեն օրերն է հաշվում, սպասում ու իր սիրով թև է տալիս:
Հերոս են մարդիկ, ովքեր սահմանից այս կողմ աղոթում են զինվորի համար, ոչ թե պարզապես խոսքեր շշնջում, այլ ջանասիրաբար ու շարունակական աղոթք են բարձրացնում մեր երկրի ու մեր զինվորի համար, ովքեր հասկանում են, որ ինչպես զինվորի արթուն լինելուց է շատ բան կախված, այնպես էլ իրենց նվիրված աղոթքներից…
Ես հավատում եմ, որ գալու է խաղաղություն, հավատում եմ, որ այլևս չենք լսելու մահվան լուրեր, հավատում եմ, որ հայն այլևս չի թողնելու իր ընտանիքն ու գնա այլ երկիր, որ գալու է օր, երբ երեխաներն այլևս անհայր չեն մեծանալու: Հավատում եմ, որ վաղվա Հայաստանը լինելու է պայծառ ու լուսավոր, հավատում եմ, որ Աստված օրհնելու է Հայաստանն ու բարձրացնելու՝ ոչ միայն լուսավորելով, այլ նաև դարձնելով լույսի օրրան մեր շրջակա պետությունների համար, հավատում եմ, որ այս ամենը կարող է լինել, եթե ես ու դու այսօր հավատքով ու ջերմեռանդ կանգնենք աղոթքի մե՛ր երկրի համար:
Այսօր աղոթե՞լ ես իմ ու քո Հայաստանի, իմ ու քո զինվորի համար… Մեզ հերոսնե՛ր են պետք…<<ՀԳ լավ կլինի որ копия չ՛անեք..>>
Присоединяйтесь к ОК, чтобы подписаться на группу и комментировать публикации.
Нет комментариев