«Прыйшла Прачыстая – стала ў полі чыста» 🌾
🗓️ 11 жніўня 2024 года
🕐 у 13.00
Першая Прачыстая – адно з самых шанаваных святаў канца лета. Да гэтага часу на палях і агародах выспявала садавіна, агародніна, збожжа.
Гаспадары неслі свой ураджай на асвячэнне ў царкву. Бралі з сабой і лекавыя расліны. Таму на Беларусі гэты дзень атрымаў яшчэ адну назву — «Зельная».
Асвячанае зерне захоўвалі для азімай і веснавой сяўбы, а зёлкі захоўвалі на покуці побач з галінкамі вярбы. Зёлкі выкарыстоўвалі не толькі як лекавы сродак, але і як ахоўны ад моцнага ветру і навальніцы.
Запрашаем паглыбіцца ў традыцыі нашых продкаў разам з намі ў музеі пад адкрытым небам!
Пачатак ля карты-схемы на ўваходзе ў сектар «Цэнтральная Беларусь».
🗒️ Вас чакае:
🔸 Расповед пра традыцыі святкавання Першай Прачыстай;
🔸 Расповед пра зёлкі;
🔸 Майстар-клас па вырабу лялек з травы;
🔸 Традыцыйныя танцы ды гульні.
💳 За дадатковую плату можна:
- набыць сувеніры ад народных майстроў;
- наведаць «Беларускую карчму», якая знаходзіцца на тэрыторыі музея.
🎟️ Кошт квіткоў:
🔸 для дарослых –12,00 руб.;
🔸 студэнтаў вышэйшых устаноў адукацыі (студэнцкі білет) – 6,00 руб.;
🔸 для школьнікаў, навучэнцаў прафесійна-тэхнічных, сярэдне-спецыяльных устаноў адукацыі –6,00 руб.;
🔸 для дзяцей дашкольнага ўзросту – бясплатна.
Экспазіцыя музея працуе з 11:00 да 19.00.
Каса працуе з 11:00 да 18:30.
Шаноўныя наведвальнікі!
🌤️ Калі ласка, паклапаціцеся аб абутку і вопратцы згодна ўмоў надвор’я.
💫 Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
🌾 На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.
✨ Квіткі і сувеніры ў касе вы можаце набыць па безнаяўным і наяўным разліку. etna.by
Присоединяйтесь к ОК, чтобы подписаться на группу и комментировать публикации.
Нет комментариев