Г.

Тукай исемендәге Мөслим урта мәктәбендә "Батырлык онытылмый" музей почмагы ачылды.
Батырлык почмагында Советлар Союзы Герое Муса Җәлил бюсты урын алды, диварда аның турында кызыклы хатирәләр тупланган. Батырлык почмагының тагын бер мөһим өлеше шушы мәктәпне тәмамлаган махсус хәрби операциядә катнашучы егетләргә багышланган. Биредә һәлак булган райондашларыбызның фотосүрәтләре урын алган.
Чарада район башлыгы урынбасары Азат Әхмәтҗанов катнашты. Ул егет-кызларны геройларның батырлыкларын онытмаска чакырды. Иҗтимагый совет рәисе Рушат Солтанов һәм Ветераннар советы рәисе Илгиз Низамов М. Җәлилнең татарлар тарихындагы роле турында сөйләде. "Егет без" волонтерлар төркеме җитәкчесе, шагыйрь Рүзәл Минһаҗев махсус хәрби операциядә һәлак булган егетләргә багышланган шигырьләрен сөйләде. Г. Тукай исемендәге Мөслим урта мәктәбе директоры Гөлшат Галеева батырлык почмагын булдыруда катнашкан һәркемгә тирән рәхмәтен җиткерде.
Укучылар кунакларга шагыйрьнең шигырьләрен тәкъдим итте. https://vk.com/album-204018005_306198597