ҲАЙИТ КУНИ ИМОМНИНГ ОЛДИДА АНАЗА[1] ВА НАЙЗА ОЛИБ ЮРИШ ҲАҚИДАГИ БОБ
973. Ибн Умар розияллоҳу анҳумодан ривоят қилинади:
«Набий соллаллоҳу алайҳи васаллам намозгоҳга эртароқ чиқар эдилар. Олдиларида аназа олиб юрилар ва у намозгоҳда у зотнинг қаршиларига ўрнатилар, у зот эса унга қараб намоз ўқирдилар».
15. АЁЛЛАР ВА ҲАЙЗЛИЛАРНИНГ НАМОЗГОҲГА
ЧИҚИШИ ҲАҚИДАГИ БОБ
974. Умму Атийя розияллоҳу анҳодан ривоят қилинади:
«Биз бўйига етган ва пардадаги қизларни ҳам чиқаришга буюрилдик».
Айюб ҳам Ҳафсадан худди шундай ривоят қилди. Лекин Ҳафсанинг ҳадисида: «Бўйига етган ва пардадаги қизларни ҳам чиқаришга буюрилдик, ҳайзлилари эса намозгоҳдан четда турадилар», деганини зиёда қилган.
16. БОЛАЛАРНИНГ НАМОЗГОҲГА ЧИҚИШЛАРИ ҲАҚИДАГИ БОБ
975. Ибн Аббос розияллоҳу анҳумо айтади:
«Мен Рамазон ёки қурбон куни Набий соллаллоҳу алайҳи васаллам билан бирга чиқдим, у зот намоз ўқидилар, сўнг хутба айтдилар. Сўнгра аёлларнинг ёнига келиб, уларга ваъз ва эслатмалар қилдилар ва уларни садақа қилишга буюрдилар».
17. ҲАЙИТ ХУТБАСИДА ИМОМ ОДАМЛАРГА ҚАРАБ ТУРИШИ ҲАҚИДАГИ БОБ
Абу Саъийд розияллоҳу анҳу: «Набий соллаллоҳу алайҳи васаллам одамларнинг рўпарасида турдилар», деди.
976. Баро (ибн Озиб) розияллоҳу анҳу айтади:
«Набий соллаллоҳу алайҳи васаллам қурбон (ҳайити) куни Бақийъга чиқиб, икки ракъат намоз ўқидилар, сўнг юзлари билан бизга қараб: «Албатта, бу кунимиздаги биринчи ибодатимиз намоздан бошлашимиздир, сўнг қайтиб жонлиқ сўйишимиздир. Ким шуни қилса, батаҳқиқ, у суннатимизга мувофиқ қилибди. Ким ундан олдин сўйган бўлса, бас, у ўз аҳли учун шоширган нарсаси бўлиб, ибодатдан ҳеч нарса эмас», дедилар. Шунда бир киши туриб: «Эй Аллоҳнинг Расули! Мен сўйиб қўйибман, менда икки ёшга етмаган, лекин икки ёшга етгандан яхшироқ эчким бор?!», деди.
У зот: «Сўявер! Лекин сендан кейин ҳеч кимга кифоя қилмайди», дедилар.
18. НАМОЗГОҲДАГИ БЕЛГИ ҲАҚИДАГИ БОБ
977. Ибн Аббос розияллоҳу анҳумога: «Сиз Набий соллаллоҳу алайҳи васаллам билан ҳайитда ҳозир бўлганмисиз?», дейилди.
У киши: «Ҳа! Агар у зотга яқинлигим бўлмаганда эди, кичиклигим сабабли ҳозир бўла олмас эдим. У зот Касир ибн Солтнинг ҳовлиси олдидаги белгининг ёнига келиб, намоз ўқидилар. Сўнг хутба қилдилар, сўнг эса аёлларнинг ёнига бордилар, у зот билан Билол бирга эди. Бас у зот уларга ваъз, эслатма қилдилар ва уларни садақа қилишга буюрдилар. Бас, мен уларни қўлларини чўзиб Билолнинг этагига (тақинчоқларини) ташлаётганларини кўрдим. Сўнг Билол билан бирга у зотнинг уйларига кетишди».
19. ИМОМНИНГ ҲАЙИТ КУНИ АЁЛЛАРГА ВАЪЗ ҚИЛИШИ ҲАҚИДАГИ БОБ
978. Жобир ибн Абдуллоҳ розияллоҳу анҳумо айтади:
«Набий соллаллоҳу алайҳи васаллам қурбон (ҳайити) куни туриб намоз ўқидилар. Бас, у зот аввал намоз ўқидилар, сўнг хутба қилдилар. Хутбадан бўшагач, тушиб аёлларнинг ёнига бордилар-да, Билолнинг қўлига таяниб уларга эслатма қилдилар, Билол эса этагини ёйиб турар, аёллар унга садақа ташлар эдилар».
Мен (Ибн Журайж) Атога: «Фитр садақасими?», дедим.
У: «Йўқ! Балки, ўшандаги улар қилган садақалари эди. Бири катта узугини ташлар, (бошқалари ҳам) ташлашар эди», деди.
Мен: «Сиз буни имомнинг зиммасидаги ҳақ, улар аёлларга эслатма қиладилар деб биласизми?», дедим.
У: «Албатта, бу уларнинг зиммаларидаги ҳақдир, буни қилмай иложлари йўқ!», деди.
979. Ибн Аббос розияллоҳу анҳумодан ривоят қилинади:
«Мен Набий соллаллоҳу алайҳи васаллам, Абу Бакр, Умар ва Усмон розияллоҳу анҳулар билан рамазон (ҳайитида) ҳозир бўлганман. Улар хутбадан олдин намоз ўқишар, кейин хутба қилинар эди. Набий соллаллоҳу алайҳи васаллам чиқдилар, қўллари билан кишиларга ўтиринглар дея ишора қилганларини (ҳозир ҳам) кўриб тургандекман. Сўнг уларнинг (сафини) ёриб ўтиб аёлларнинг ёнига келдилар, у зот билан Билол бирга эди. Бас: «Эй Набий агар мўминалар сенга байъат қилиб келсалар...»[2]оятини ўқидилар.
Сўнг оятни ўқиб бўлгач: «Сизлар ўшан(ваъда)дамисиз?», дедилар.
Улардан ҳеч ким жавоб бермай фақат бир аёл: «Ҳа!», деди. - Ҳасан унинг кимлигини билмади. -
У зот: «Ундай бўлса садақа қилинглар!», дедилар.
Шунда Билол этагини ёйиб турди.
Сўнг у зот: «Келинглар, ота-онам сизларга фидо бўлсин!», дедилар.
Улар фатах* ва узукларини Билолнинг этагига ташлашди.
*Изоҳ: Абдураззоқ: «Фатах - жоҳилият даврида бўлган катта узук», деди.
Присоединяйтесь к ОК, чтобы подписаться на группу и комментировать публикации.
Нет комментариев