Предыдущая публикация
Қора булутларнинг ортидан маъюс
Милтиллаб турибди митти бир ёғду
Зулмат маликаси балки шу кеча
Ёхуд ёлғизликка маҳкуммикан у?
Билолмадим қандай синоат эрур
Билмам бу хол недан сўзларди шу он -
Ялтирарми ожиз томчилаган ёш,
Ёки исёнмикан сукунат томон?
Осмонга термулиб кузатаман жим
Наҳот унга фалак раҳми келмасми?
Йўқ йўқ жасоратдан бермоқда аён -
Танҳоликдан қўрқмас ирода акси...
Зулматга қопланган самолар ичра
Қора булутларнинг ортидан маъюс
Сўнмас бир илинждан бергандай дарак
Милтираб турибди якка бир юлдуз...
Муаттар Озод
Следующая публикация
Нет комментариев