😆 «Հալա-մուլա մեկ, հալա-մուլա երկու…», գործագործ, գետնից բարձր, ռեզին, 7 քար, լյագուշկա… այս խաղերը ամենաքաղցր հիշողությունները կարթնացնեն #X սերնդի մոտ:👇

Generation X կամ X սերունդ (1965-1980)
👉 Սա այն սերունդն է, որը հաճախում էր դպրոց առանց բջջայինների ու տանը ժամանակ էր անցկացնում առանց համակարգչի:
Նրանց կյանքը յուրահատուկ էր՝ լի քաղցր պահերով…
💫 Այս սերունդը վստահաբար իր հուշերն ունի ամեն տարի կազմակերպվող բակային ամառային ճամբարներից, որտեղ կազմակերպվում էին տարատեսակ միջոցառումներ, բեմադրվում էին ներկայացումներ, պարեր ու երգեր և դասընթացներ: Այլ կերպ ասած, այս ճամբարներում էին անցնում ամառային արձակուրդները և այստեղ էր #X սերունդը վայելում կյանքի ամենագեղեցիկ ժամանակաշրջանը՝ մանկությունը:
🎥 #X սերունդը մեծացել է հանրահայտ խորհրդային մուլտֆիլմեր, ֆիլմեր ու հաղորդումներ դիտելով: Ո՞վ չի հիշում՝ «Դե՛, նապաստակ, սպասիր» հայտնի արտահայտությունը…Իսկ առհասարակ, հեռուստատեսությունն ուներ հստակ և թիրախավորված ծրագիր: Երեխաները գիտեին, թե ո՞ր ժամին է ցուցադրվում իրենց սիրելի «Դե՛, սպասիր»-ը կամ «В гостях у сказки» հաղորդումը:
🗣️ Այս սերնդի համար հատկանշական էր կանգնել տան պատշգամբի տակ և բարձր բղավել ընկերների անունները, որպեսզի վերջիններս իջնեին բակ` խաղալու: Չէ՞ որ այն ժամանակ չկար բջջային կապ: Իսկ ինչ վերաբերում է հաղորդագրություններին, դրանք գրվում էին թղթի վրա և անմիջապես փոխանցվում հասցեատիրոջը, կամ էլ եթե սիրային էին, թաքուն հայտնվում էին հասցեատիրոջ պայուսակի մեջ:
🎶 Նրանք ականատես են եղել երաժշտական տեսանյութերի, հիփ-հոփի առաջացմանն ու ծաղկմանը: 80-ականների դիսկո, «Deep Purple», Էլթոն Ջոն, «Rolling Stones», «Beatles», «ABBA»` այս անունների կողքին լսում էին նաև Սյուզան Մարգարյանի, Նադեժդա Սարգսյանի, Արթուր Գրիգորյանի, Զառա Տոնիկյանի, Տաթևիկ Հովհաննիսյանի երգերը:
🌃 Մութ տարիներին, չնայած անասելի դժվարություններին, կյանքը լցվեց ավելի բարձր արժեքներով. երեկոյան ժամերին հատուկ էին հավաքներն ու անմիջական զրույցները հարևանների, ընտանիքի անդամների հետ, մոմի լույսի ներքո տարբեր երաժշտական գործիքներ նվագելը, ասմունքելը, գիրք կարդալը: Միգուցե՝ սա է այն յուրահատկությունը, որ ապրեց ու տեսավ այս սերունդը:
💡 Իրենց բնույթով #X սերնդի ներկայացուցիչներն անկախ են, սեփական իրավունքների համար պայքարող և պատրաստ լիարժեք համատեղելու աշխատանք-ընտանիք-ընկերներ հարաբերությունների շղթան:
😍 Ահա այսպիսին է X սերունդը…
👇 Եթե #X սերնդից ես, կիսվիր մեկնաբանություններում քո լավագույն հիշողություններով: