Предыдущая публикация
Фестываль “Азярцо” сабраў амаратаў народнай творчасці
Рэспубліканскі музычны фестываль ГА “БелТІЗ” “Азярцо” прайшоў 26 мая ў Беларускім дзяржаўным музеі народнай архітэктуры і быта.
Для ўдзелу ў фестывалі з усіх куточкаў Беларусі прыехалі выканаўцы народнай песні, самадзейныя музыкі, творчыя калектывы і майстры дэкаратыўна-прыкладнога мастацтва.
З самага ранку над музеем паплылі заліхвацкія гукі народных песен. Кожная вобласць прадставіла сваю творчую праграму з песнямі і танцамі. Вядучыя старанна прадстаўлялі кожны свой рэгіен, навыперадкі дэманстравалі сваіх лепшых выканаўцаў.
Здзівілі сваімі талентамі і майстры дэкаратыўна-прыкладнога мастацтва. На выставе былі прадстаўлены працы выкананыя ў розных тэхніках і з розных матэрыялаў: амігурумі-цацкі вязаныя з нітак, вышыванкі, качанне з воўны, паясы плеценыя на бярдо, жывапіс, джутавая філігрань, вырабы з ільну, саломкі і многае іншае.
Пад час гульнявой праграмы “Наш падворак” артысты з кожнага рэгіёну запрашалі гледачоў на свой “падворак” песнямі, танцамі, нават бязпройгрышнай латарэяй. Брэсцкая і Гомельская вобласці частавалі наведвальнікаў свайго падворка ўсялякімі прысмакамі. Чаго там толькі не было: караваі, бліны, кіўбасы, мёд, наліўкі і травяныя чаі.
Здаецца, нават надвор’е цешылася з той атмасферы, якая панавала ў дзень фестывалю.
Пасля заканчэння фестывальных выкананняў і святочнай вячэры, ўдзельнікі фестывалю, усе як адзін атрымаўшыя дыпломы і памятныя падарункі, рушылі ў дарогу па сваіх дамах, каб зноў рыхтавацца і чакаць новую фестывальную сустрэчу.
Следующая публикация
Нет комментариев