Предыдущая публикация
● 5 октябрь - Туныктышын кечыже
ЧОНЛАН КЕЛШЫШЕ ПАША ВЕРЫШ МИЕН ПУРЫМО ШУЭШ
Шордÿр кундемыште Евгения Александровна Васильевам палыдыме еҥжат уке, очыни. Моткоч чолга ÿдырамаш. Адакше ава да пелаш гына огыл, туныктышо, Шордÿр тÿҥ школын директоржо, депутат. Тудын дене вашлийын кутыраш Туныктышын кечыже амалым пуыш.
Евгения Александровна – кумдан палыме Сусловмытын тукымышт гыч. Ты тукымвож гыч ушан-шотан еҥ-влак лектыныт. Е. Васильева Марий кугыжаныш университетын историй да филологий факультетшым 2004 ийыште тунем лектын, марий да англичан йылмылам туныкташ ямдылалтын. Но тылеч ончыч ик ий 17-ше №-ан училищыште кевытчылан тунем лектын да «Альбатрос» кевытыштат ыштен шуктен. Вара веле умбакыже кÿшыл шинчымашым налаш корно почылтын.
Йоча пагыт
Чулым самырык ÿдырамаш нерген каласкалаш тÿҥалме годым лÿмжак чурк лияш тарата. Пӧръеҥ лÿм гаяк веле шокта. Рушла тыгай ойсавыртыш уло: «Корабльым кузе лÿмдет, тудо тугак ийын кая». Ӱдыр моткоч чолга, кумылзак кушкын. Школыштат тыршен тунемын, мӧҥгыжӧ эре визытаным веле конден. Ешыштыже кум шольо коклаште кугуракше да эше икшыве коклаште ик ÿдыр гына. Шольо-шамыч, акаштым неле паша дечын утарен, тудым эре сурт пелен коденыт, кочкаш шолташ кÿлыныс. Авашт, Алевтина Аркадьевна, кевытчылан ыштенат, ÿдыр дене шукыжым вавайже лийын. Тудак кочкаш шолташ, арулыкым кучаш туныктен.
- Икымше гана кочкаш шолтымем тачат шарнем. Пучымышым шолташ ойленыт ыле. 2 кг шÿраш ончалмаште шагал гына коешыс. Тынар шуко еҥлан тиде огеш сите манын, шÿрашым иканаште опталынам да вара, мультфильмысе семын, ала-мыняр кÿмыжышкӧ налаш логалын...
(Умбакыже "Морко мланде" газетын 4 октябрьыште лекше номерыштыже лудын кертыда)
Светлана ПОЛАТОВА
Фотом еш архив гыч налме
Шордÿр школын туныктышыжо-влак (пурла гыч икымшыже директор Е.А.Васильева)
Чумыр еш дене
Изи Демид аван кидыште
Следующая публикация
Комментарии 4