Предыдущая публикация
РОЖДЕСТВО ХРИСТОВО НА ПОРОГЕ .
. .
С ПОКАЯННЫМ СЕРДЦЕМ, С ПЕЧАЛЬЮ СВОЕЙ И РАДОСТЬЮ ОБРАТИМСЯ К ЗАСТУПНИЦЕ НАШЕЙ И ВЛАДЫЧИЦЕ БОГОРОДИЦЕ И ПРИСНОДЕВЕ :
Пресвятая Богородице, спаси нас.
Со всякою скорбию, великою и малою, с обидами тайными и печалию горькою прибегаю к Тебе, Мати Божия, яко чадо, от злых обидимое, вся приношу Тебе, Дева Чистая, чая утешения и Матерния милости.
Богородице Милостивая, горькая жизни сия услади слезами покаяния, окамененная мира сего сокрушением сердечным умягчи. Вся бо можеши молением неусыпающим, одесную Христа Бога предстоящи.
Свещею неугасимою, слезы теплые на землю искапающи предстоиши, Богородице Пресвятая, пред Царем Небесным, темже и мне света и тепла Твоего даруй на дерзостное сердце мое.
Сокрушишася колена моя от нощи печали и забвения, но Ты не забуди мене, Мати Божия, и возстави мя, унывающаго.
Почто сиротствую, Матерь имея мира Владычицу? Почто смущаюся во странствиих, дом наследовав небесный? Пресвятая Богородице, Мати Господа нашего, доведи мя горняго Отечества моего.
Скудно хваление мое Твоего, Владычице, милосердия, немощно покаяние мое о бездне грехов моих; отсутствую во благодарении, безуствую и в покаянии. Не остави мене, смятеннаго, Мати Божия, и спаси мя.
Гнева огнь неугасимый сожигает мя, гордыни червь неусыпаяй снедает сердце мое. Спаси мя, Пресвятая Богородице, от мук адовых, достигших до души моея.
@ Из покаянного канона иеромонаха Василия Оптинского
( Рослякова ))))
Следующая публикация
Нет комментариев