Предыдущая публикация
(Җыр)
Югары очта чишмә ага,
Түбән оч та чишмәле.
Берсе – балдыр, берсе – ширбәт,
Гомер буе эчмәле.
Кушымта:
Чишмә буе – тугай-тугай,
Тугаенда – чирәме.
Суга бара югары очка
Әмин авылы чибәре.
Югары очта имән үсә,
Түбән очта – каеннар.
Уртасында гөлбакчалы
Әмин дигән авыл бар.
Кушымта:
Чишмә суы челтер-челтер,
Яшел үлән – үзәне.
Судан кайта түбән очтан
Әмин авылы гүзәле.
Бер чишмәдән бер чишмәгә
Күпер сузыла күктән.
Җәйгор кебек аллы-гөлле
Әмин авыл электән.
Кушымта:
Чиләкләре − бизәк төшкән,
Юктыр алмасызлары.
Суга бара, судан кайта
Әмин авыл кызлары.
1972 ел
Әмин – Башкортстан, Караидел районы авылы
Присоединяйтесь к ОК, чтобы подписаться на группу и комментировать публикации.
Комментарии 1