Хәерле көннәр! Башыма төшкән җан тынычсызлыгымны сездән килгән акыллы киңәшләр белән үткәреп җибәреп булмасмы диеп язам. Күптән түгел иремнең озак еллар трассада туктап йөргәнен ачыкладым. Гомер буе минем өчен үлеп торды, бик яратып яшәде, миннән бернәрсә дә жәлләмәде. Минем өчен бу хәл бик авыр булды, төшенкелеккә бирелдем. Инде балалар да зурлар.Хәзер бик елый, үкенә, гафу сорый. Ире мондый азгынлыкка дучар булган берәр хатын бн сөйләшеп аласым килә, андыйлар мин генә түгел, күп инде без. Хәбәргә чыгыгыз дисәгез үзем шалтыратыр идем. Бу төркемдә бәлки хатынын яратып, кирәк өчен туктап йөргән ир- егетләр дә бардыр, ул ничек алай була ала? Сезнең бн дә сөйләшеп алыр идем, бәлки җиңелрәк булыр иде. Аерыл, күтенә тибеп чыгар дигән сүзләр язмагыз, андый эшне эшли алмыйм. Икебез тигез без. Ничек акыллы итеп хәл итәргә мондый катлаулы очракны? Ничек элекке кебек матур итеп яшәп китәргә? Ул кызлар уенчык кынамы алар , алар янына хис бн йөрмиләрдер бит инде ул? Ничек була соң бу?? Акыллы киңәшләрегез, төпле фикерләрегез өчен алдан ук рәхмәт белдерәм.
"Сөйлисем килә" телеграм-каналыннан
Присоединяйтесь к ОК, чтобы подписаться на группу и комментировать публикации.
Комментарии 6