Предыдущая публикация
777 ჩვენ აღშფოთებული შეშფოთებით ვადევნებთ თვალს ამ მოვლენებს და ვგმობთ „დასავლური ფასეულობების” ამ მახინჯ გამოვლინებას
31/10/2024
„ხალხის“ ძალის წევრი დავით ქართველიშვილი სოციალურ ქსელში ეხმიანება ევროკავშირის ფონდების არამიზნობრივად გამოყენების, ასევე თაღლითობისა და კორუფციის ფაქტებზე მიმდინარე გამოძიებას, რომელიც „ევროპის სახალხო პარტიისა” და მისი ლიდერის წინააღმდეგ მიმდინარეობს. როგორც დავით ქართველიშვილი წერს, ის გამოძიების მიმდინარეობას „აღშფოთებული შეშფოთებით“ ადევნებს თვალს და ელოდება, რომ ევროკავშირის ფონდების არამიზნობრივად გამოყენების მაქინაციების საქმეზე საქართველოს პრეზიდენტი, როგორც ამ სფეროს სპეციალისტი, ისე დაიკითხება.
„ჩვენი ნაცსექტის იდეოლოგიური „ნათლიმამების” – „ევროპის სახალხო პარტიისა” (EPP) და მისი ლიდერის, მანფრედ ვებერის წინააღმდეგ 2019 წლის საარჩევნო კამპანიის მიმდინარეობისას ევროკავშირის ფონდების არამიზნობრივად გამოყენების, ასევე თაღლითობისა და კორუფციის ფაქტებზე ევროკავშირის პროკურორების მიერ გამოძიება მიმდინარეობს. ამის შესახებ მედია-პორტალი Politico იუწყება. გამოძიებას ევროკავშირის საზოგადოებრივი პროკურატურის ოფისი ატარებს, რომელიც ევროკავშირის მიერ გამოყოფილი ფინანსების არამიზნობრივი გამოყენების საქმეების გამოძიებაზეა პასუხისმგებელი
ჩვენ აღშფოთებული შეშფოთებით ვადევნებთ თვალს ამ მოვლენებს და ვგმობთ „დასავლური ფასეულობების” ამ მახინჯ გამოვლინებას. ასევე ველოდებით განცხადებას, „ევროპის სახალხო პარტიის” ამ ქმედებებში რუსული სპეცოპერაციის კვალის თაობაზე. წინადადებით შემოვდივართ, ამ საგანში გამოცდილი სპეციალისტი სალომე ზურაბიშვილი მოწმის სახით დაიკითხოს. „გამორიცხულია” – არჩევნებზე ფულის გაკეთების იდეა ჩვენი ნაცსექტის იდეოლოგიურ მეკავშირეთა ტვინებში, „პუწინის” შთაგონების გარეშე დაბადებულიყო,” – წერს დავით ქართველიშვილი.
Следующая публикация
Нет комментариев