👍"Родная мова, цудоўная мова!

Ты нашых думак уток і аснова!", - пісаў Уладзімір Дубоўка.
Менавіта гэтыя словы сталі лейтматывам і дэвізам усіх тэматычных мерапрыемстваў, што ладзіліся ў межах тыдня беларускай мовы і літаратуры, які праходзіць зараз у Камарынскай СШ імя П.І. Шпетнага.
- Усе яны вельмі насычаныя і цікавыя, рабяты з вялікай ахвотай і інтарэсам удзельнічаюць у розных квест-гульнях, разнастайных конкурсах і віктарынах, - адзначае дырэктар установы Ігар Самбук. - Але кульмінацыяй тыдня, канешне, стаў Дзень роднай мовы, які адзнчаецца ва ўсім свеце 21 лютага. У гэты дзень рабяты ў поўнай меры змаглі паказаць свае веды і здольнасці па роднай мове, прыняўшы актыўны ўдзел ва ўсіх тэматычных мерапрыемствах.