«Тендан деке эше кеҥежым толнем»

«Каласаш лийдыме мотор ола. Каласаш лийдыме поро кумылан еҥ-влак. Южшак юзо виян. Тыште эртыше илыш да тачысе кече, марий юмыӱла ден православий, руш ден марий тӱвыра-влак, акрет кидмастарлык да кызытсе технологий варналтыныт. Тыште акрет калык йӱлам аралат да вияҥдат. Чыла тиде Йошкар-Олам утларак «почылтшым» ышта. Тудо тышке поро чон дене толшо кажне еҥым пеш порын вашлиеш да шер теммеш сийлен колта», – теве тыге каласыш тиде кечылаште Донецк гыч Йошкар-Олаш толын кайыше самырык ӱдырамаш Анна Роговская.
Тудо экскурсовод пашам шуктымо дене пырля эше «Донбасс» ансамбльын пресс-секретарьжылан тырша. Эл мучко шуко коштеш да мом ужмыжым шкенжын блоглаж гоч каласкала. Йошкар-Олаш толмыж годым тудын дене «Мари» сийгудышто вашлийна. газетамарийэл.рф/21-fevral-...ӱnyambal-kechysht-tendan-deke-eshe-keҥezhym-tolnem/